වෛද්‍යවරිය රිමාන්ඩ් භාරයට පත් කළ අත්තනගල්ල වැඩ බලන මහෙස්ත්‍රාත් ධුරයෙන් ඉවතට

 වෛද්‍යවරියක් පැද වූ මෝටර් රථයක ගැටීමෙන් මෝටර් බයිසිකල් ධාවකයෙකු සුළු තුවාල ලැබුවේ යැයි වෛද්‍යවරිය රිමාන්ඩ් භාරයට පත් කිරීමේ නියෝගය දුන් අත්තනගල්ල වැඩ බලන මහෙස්ත්‍රාත් පූර්ණා සේනාරත්න මහත්මියට එම ධූරයේ යෙදීම තහනම් කළ ශ්‍රේෂ්ඨාධිකරණය වෛද්‍යවරිය අධිකරණයට ඉදිරිපත් කර ඇප ලබා දීමට විරෝධය පළ කළ නිට්ටඹුව පොලිසියේ රථ වාහන අංශ‍යේ ස්ථානාධිපති සුසන්ත සහ කොස්තාපල් ආනන්ද යන අයගේ වැඩ තහනම් කරන ලෙස පොලිස්පතිවරයාට නි‍යම කළේය.
මෙම නිලධාරීන් දෙදෙනාට එරෙහිව විනය පරීක්ෂණයක් පවත්වන ලෙසද නියම විය.

අනතුර සම්බන්ධයෙන් පොලිසියේ දී සමථයකට පත් වී තිබිය දී අනතුර වන අවස්ථාවේ දී බයිසිකලයේ පසුපස ගමන් ගත් කාන්තාවගේ සොහොයුරෙකු යැයි කියන නීතීඥවරයකුගේ බලපෑම මත ඉහත පොලිස් නිලධාරීන් දෙදෙනා තමන් හදිසියේම අධිකරණයට ඉදිරිපත් කර තමන් කැමති පරිදි නීතීඥ සහයක් ලබා ගැනීමට ඉඩ නොතබා වැඩ බලන මහෙස්ත්‍රාත්වරිය වෙත ඉදිරිපත් කර රිමාන්ඩ් භාරයට පත් කිරීමෙන් පසු දින තුනක් රිමාන්ඩ් භාරයේ සිටීමට සිදු වූ බව සඳහන් කරමින් වතුපි‍ටිවල රෝහලේ සේවය කරන වෛද්‍ය මල්ලිකා ගුණරත්න මහත්මිය අග විනිසුරු මොහාන් පීරිස් මහතා වෙත එවා තිබූ පැමිණිල්ලක් අග විනිසුරුවරයා ,ඊවා වනසුන්දර සහ සරත් ද ආබෲ යන විනිශ්චය මණ්ඩලය විසින් විභාග කිරීමෙන් පසු මෙම නියෝගය සිදු කෙරිණි.
වෛද්‍යරියට හෝ ඇයගේ පවුලේ අයට බලපෑම් කර තිබුණොත් පොලිස් නිලධාරීන් දෙදෙනා රිමාන්ඩ් භාරයට පත් කරන බව අග විනිසුරුවරයා ඔවුනට දැඩි ලෙස අවවාද කරමින් පැවසීය.
ජූලි 18 දා වෛද්‍යවරිය සිය නිවසේ සිට රෝහලට යාම සඳහා වාහනය පාරට දමන අවස්ථාවේ දී මෙම අනතුර සිදු වී ඇති බවත් තුවාලකරු රෝහලට ගෙන ගොස් අවශ්‍ය ප්‍රතිකාර ලබා දීමට කටයුතු යොදා නිට්ටඹුව පොලිසියට ගොස් කට උත්තරයක් ලබා දුන් බවත් වෛද්‍යවරිය අග විනිසුරුවරයා වෙත එවා තිබූ පැමිණිල්ලේ සඳහන්ය.

අනතුර සම්බන්ධයෙන් අධිකරණයට ඉදිරිපත් කිරීම අනවශ්‍ය බවත් සමථයකට පත් වන ලෙසත් පොලිසියෙන් තමාට පැවසු බවත් බයිසිකලය සාදා දෙන ලෙස තුවාලකරු ඉල්ලා සිටි බවත් පවසන පැමිණිල්ල එසේ තිබිය දී නැවතත් තමාට පොලිසියට එන ලෙස දන්වා ත්‍රී විලරයක නංවා ගෙන අධිකරණයට රැගෙන ගිය බවත් ඒ සඳහා කාන්තා පොලිස් නිලධාරිණියක සහභාගි කර නොගත් බවත් වැඩි දුරටත් සඳහන් කරයි.

නීතීඥවරයකු පැමිණ ප්‍රශ්නගත තත්තවයක් ඇති කළ බැවින් තමන් එසේ අධිකරණයට ඉදිරිපත් කරන බව නිලධාරීන් දෙදෙනා තමන්ට පැවසූ බව සඳහන් කරන පැමිණිලිකාරිය තමන්ගේ සැමියා පැමිණෙන තෙක් කාලය ලබා දෙන කළ ඉල්ලීම නොසළකා හැරිය බවත් සඳහන් කරන්නීය.
අධිකරණයේ සිටි නීතීඥවරයකු පැමිණ නීතීඥ සහයක් අවශ්‍ය දැයි තමන්ගෙන් විමසූ බවත් අවශ්‍ය යැයි තමන් පැවසූ විට නීතීඥවරයකු පෙන්වා සි‍ටි අතර එම නීතීඥවරයා තමන් සමඟ කිසිවක් සාකච්ඡා ‍නොකළ බවත් පවසන වෛද්‍යවරිය තමන්ගේ එකඟත්වයක්‍ නොමැතිව තුවාලකරුට රුපියල් 35000ක් ගෙවීමට කැමති බව එම නීතීඥවරයා අධිකරණයට දැනුම් දුන් බවත් පවසන්නීය.

තමන්ට ඇප ලබා දීමට පොලිසිය විරුද්ධ වූ බවත් වැඩ බලන මහෙස්ත්‍රාත්වරිය 21 දක්වා තමන් රිමාන්ඩ් භාරයට පත් කිරීමෙන් පසුව වැලිකඩ බන්ධනාගාරයට ගෙන ගිය බවත් පවසන්නීය. පසුව තම සැමියා සහකාර පොලිස් අධිකාරි බලගල්ල මහතා හමූ වී කරුණු දැක්වීමෙන් පසුව මෝසමක් මගින් තමන්ට ඇප ලබා දුන් බවත් තුවාලකරු 20 වැනි දින රෝහලෙන් පිට වී ගිය බවත් සඳහන් කරන්නීය.
මෙම සිද්ධිය නිසා තමන් සහ තම පවුලේ අය අවමානයට ලක් වූ බව පවසන වෛද්‍යවරිය අපක්ෂපාති විභාගයක් පවත්වා ඔප්පු වුවහොත් අදාළ අයට විනය පියවර ගන්නා ලෙසත් අග විනිසුරුවරයාගෙන් ඉල්ලා තිබිණි.  පැමිණිලිකාරිය වෙනුවෙන් නීතිඥ හිමාලි කුලරත්න මෙනවිය පෙනී සිටියාය.                                    

Read More

වාරියපොල ගුටි කෑ තරුණයාත් රිමාන්ඩ්

වාරියපොළදී  තරුණියකගෙන් ගුටි කෑ  රොබ්ට් දාස් චන්ද්‍රකුමාර නැමැති තරුණයා අද වාරියපොළ  වැඩ බලන  මහේස්ත්‍රාත්  ශ්‍රීමතී රාජපක්ෂ මහත්මිය විසින් රිමාන්ඩ් බන්ධනාගාර ගත  කිරීමට නියෝග කළාය. 

Read More

පියයුරු ස්පර්ශ කර ඒඩ්ස් රෝගයට ආධාර සොයන ජපානය

වැඩිහිටියන්ට පමණක් සීමා වූ චිත්‍රපට රගපාන ජපානයේ නිළියන් සිය පියයුරු සමාජ මෙහෙවරකට යොදා ගෙන ඇතිබවට වාර්තා වේ.  ඔවුන් ඒඩ්ස් මර්ධන ව්‍යාපාරය සඳහා අරමුදල් රැස්කිරීමට මෙමගින් කටයුතු කර ඇති අතර ඔවුන් ඒ සඳහා සිය පියයුරු යොදාගෙන තිබේ

මහමඟ එදිනෙදා යන එන පුද්ගලයින්ට සිය පියයුරු ස්පර්ෂ කිරීමට ඉඩ දී ඔවුන්ගෙන් ආධාර මුදල් ලබා ගැනීම මෙම අමුතු ව්‍යාපෘතියයි. ඔවුන් ජපාන ප්‍රසිද්ධ රූපවාහිනී නාලිකාවක සහය ඇති ව මෙම  කටයුත්ත සංවිධානය කර ඇත

තෝරාගත් සුවිශේෂී ස්ථානයක ජපාන වැඩිහිටියන්ට පමණක් සීමා වූ චිත්‍රපට නිළියන් 09 දෙනෙක් රඳවා  ඔවුන්ගේ පියයුරු ස්පර්ෂ කර බැලීමට කැමති අයට සුවිශේෂී ආරාධනාවක් කර ඇත

සංවිධායකයින් නොසිතූ තරමේ විශාල පිරිසක් මේ සඳහා සහභාගී වී ඇති අතර ඒඩ්ස් නිවාරණ අරමුදල සඳහා විශාල මුදලක් ලැබුන බව වාර්තා වේ. මෙයට දායකත්වය දැක් වූ එක් නිළියක් පවසා ඇත්තේ සිය පියයුරුවල සැබෑ වටිනාකම ඔවුන් වටහා ගත් බවයි. තවත් නිළියක් සඳහන් කලේ පියයුරෙන් සමාජ සේවයක් කළ හැකි යැයි තමන් කිසිදින නොසිතූ බවයි

කෙසේ නමුත් මේ වැඩසටහනට ජපානයේ දේශපාලන සහ ආගමික නායකයින්ගෙන් විරෝධය එල්ල වී ඇති අතර ඔවුන්ට අපූරු පිළිතුරක් දී ඇති සංවිධායකයින් සඳහන් කොට ඇත්තේ එසේ නම් විරෝධය පළ කරන්නන් ඒඩ්ස් නිවාරණ අරමුදලට මුදල් ලබාදිය යුතු බවයි

Read More

ලාංකිකයෙකු බඳින්නත් කැමතියි ලංකාවේ ඉන්නත් කැමතියි

ශ්‍රී ලංකිකයෙකු හා විවාහ වී මෙරට පදිංචි  වීමට බලාපොරොත්තු වන බව  දිවයිනට පැමිණ සිටින 2013 වසරේ චීන විශ්ව රූ රැජිණ තරඟාවලියේ  කිරුළ හිමි කරගත් ජින් යී මෙනවිය එසැණට පැවසුවාය.

ඇය මේ දිනවල මෙහි පැමිණ ඇත්තේ දැනට ශ්‍රී ලංකාවේ සංචාරයක  නියත 2014 චීන විශ්ව රූ රැජිණ තරඟාවලියේ  අවසන් වටයේ තරඟකාරියන් විසින් සිදුකරනු ලබන  වැඩසටහන් කිහිපයකට එක් වීමටය.
  වෘත්තීය මෝස්තර නිරූපණ ශිල්පිනියක ලෙස සේවය කරන ඇය 26 හැවිරිදිය.
‘‘මම ලංකාවට ගොඩක් ආදරෙයි. මෙහි ඇති එළවලු, පලතුරු හරි රසයි.  ඒ වගේම මම ශ්‍රී ලාංකිකයෙකු හා විවාහ  වෙන්න කැමතියි. ලංකාවේ පදිංචි වෙන්නත් කැමතියි.
මම මුදල් ඉතිරි  කරනවා  ශ්‍රී ලංකාවේ අසරණයන්ට උදව් කරන්න. මම කැමතියි පින් කම් සහ සමාජ සේවය කරමින් ලෝකේ වටේ සංචාරය කරන්න‘‘  . 

Read More

අධිවේගයේ බස් දෙකක් ගැටී 14ක් රෝහලට

දක්ෂිණ අධිවේගී මගේ පින්නදූව බස් අනතුරින් 14 දෙනකු තුවාල ලබා ඇති බවත් හය දෙනකුගේ තත්ත්වය බරපතල බවත් රෝහල් ආරංචි කියයි. තුවාලකරුවන්ගෙන් වැඩි දෙනා පසු පසින් ආ බසයේ අය බවත් එහි රියදුරා ද කොන්දොස්තරවරයා ද තුවාල ලබා ඇත.

Read More

මාතර රෙදි සොරකමේ ගිය කාන්තාවෝ තිදෙනෙක්‌ කොටුවෙති

කැකනදුර - ගයාන් දර්ශන, මාතර - චන්ද්‍රදාස කොඩිතුවක්‌කු

කාලයක සිට මාතර ප්‍රදේශයේ නිමි ඇඳුම් අලෙවිසල් තුළට ඇතුළුවී ඉතා රහසිගත ලෙස නිමි ඇඳුම් සොරකම් කිරීමේ ජාවාරමක නිරත වූ බව කියන කාන්තාවන් තිදෙනකු පසුගිය (24 වැනිදා) මාතර නගරයේ පිහිටි නිමි ඇඳුම් සලකට ඇතුළුවී සිදු කරන ලද නිමි ඇඳුම් සොරකම් කිරීමක්‌ සම්බන්ධයෙන් සැකපිට ප්‍රශ්න කිරීම සඳහා මාතර මූලස්‌ථාන පොලිසිය මගින් අත්අඩංගුවට ගෙන ඇත.

මෙම සැකකාරියන් තිදෙනා නිමි ඇඟලුම් අලෙවිසලට ඇතුළුවී අවස්‌ථාවන් කිහිපයක්‌ තුළදීම ඇඳුම් සොරාගෙන ඇති බව එම ආයතනය තුළ සවිකර තිබූ සී.සී.ටී.වී කැමරා දර්ශන පරීක්‍ෂා කිරීමෙන් පසු එහි හිමිකරු විසින් සැකකාරියන් තිදෙනා හඳුනා ගෙන ඇත.

වරකාපිටිය ප්‍රදේශයන්හි පදිංචි මෙම සැකකාරියන් තිදෙනා මාතර මහෙස්‌ත්‍රාත් අධිකරණය වෙත ඉදිරිපත් කිරීමට නියමිතය. මාතර මූලස්‌ථාන පොලිස්‌ පරීක්‍ෂක මහින්ද කල්දේරා මහතාගේ උපදෙස්‌ මත සුළු පැමිණිලි අංශයේ උප පොලිස්‌ පරීක්‍ෂක කේ. එම්. ජී. ගුණරත්න යන පොලිස්‌ නිලධාරීහු සිද්ධිය සම්බන්ධයෙන් වැඩිදුර පරීක්‍ෂණ කටයුතු මෙහෙයවති.

Read More

ඊසි කෑෂ් ක්‍රමයට කුඩු විකිණූ තරුණියෝ දෙදෙනා අත්අඩංගුවට

කැකනදුර - ගයාන් දර්ශන 

ගන්දර මිරිස්‌ස සහ වැලිගම ප්‍රදේශ සඳහා ඉතා රහසිගත ක්‍රමයට ඊසි කෑෂ් ක්‍රමයට මුදල් ලබාගනිමින් හෙරොයින් මත්කුඩු සැපයීමේ ජාවාරමක නිරත වූ බව කියන රූමත් තරුණියන් දෙදෙනකු පසුගිය 24 වැනිදා සැකපිට ප්‍රශ්න කිරීම සඳහා අත්අඩංගුවට ගත් බව මාතර කොට්‌ඨාස දූෂණ මර්දන අංශය පවසයි.

වයස අවුරුදු 23 සහ 33 වයස්‌ සීමාවෙහි පසුවූ මෙම රූමත් තරුණියන් දෙදෙනා කලක සිට හෙරොයින් මත්කුඩු ජාවාරමේ නිරත වී ඇති අතර තරුණියන් මත්කුඩු ජාවාරමේ මෙහෙයවා ඇත්තේ රිමාන්ඩ් බන්ධනාගාරයේ සිටින සිරකරුවකු විසින් යෑයි මූලික පොලිස්‌ පරීක්‍ෂණවලදී අනාවරණය වී ඇත.

වැලිගම, මිරිස්‌ස ප්‍රදේශයන්හි පදිංචි සැකකාරියන් දෙදෙනා පොලිස්‌ අත්අඩංගුවට හසුවන අවස්‌ථාවේ ඔවුන් සතුව හෙරොයින් මිලි ග්‍රෑම් 710 ක්‌ අඩංගු මත්කුඩු පැකට්‌ 28 ක්‌ පොලිසිය සොයාගෙන ඇත. අත්අඩංගුවට පත් සැකකාරියන් මාතර මහෙස්‌ත්‍රාත් අධිකරණය වෙත ඉදිරිපත් කිරීමට නියමිතයි.

Read More

තිස්‌හය වතාවක්‌ නාග මාපිලුන්ගේ දෂ්ඨ කිරීමට ගොදුරු වූ දීපිකා ඇයට පිහිටවීමට ඔබට හැකිනම්...

මෙසේ තිස්‌ හය වතාවක්‌ නාගමාපිල්ලන්ගේ දෂ්ඨ කිරීම්වලට හා පොළඟෙකුගේ දෂ්ඨ කිරීමකට ලක්‌ව තිස්‌ අට වතාවක්‌ සර්ප විෂ ශරීරගත කරගත් දීපිකාගේ ජීවිතය තිස්‌ එක්‌වතාවක්‌ බේරාගෙන ඇත්තේ තිස්‌සමහරාම ලූකස්‌ගොඩ පදිංචිව සිටින දේශීය සර්ප විෂ වෛද්‍යවරයකු වූ පුණ්‍යවංශ වෙද මහතායි.

පුංචි පුතුද තුරුලු කරගෙන තද නින්දේ පසුවූ දීපිකාට තම අත මත සීතල යමක්‌ තැවරෙනවා වගේ දැනී ඇහැරිණි. එවිට ඇය දුටුවේ තම පුතුගේ මුහුණ උඩින් ඇදී යන විසකුරු සර්පයෙකි. වහාම ක්‍රියාත්මක වූ ඇය සර්පයා අතින් අල්ලා ජනේලයෙන් එළියට විසිකර දමා සර්පයෙක්‌, සර්පයෙක්‌ යෑයි කෑගැසුවාය.

ඇයගේ එම කෑගැසීම යන්තමට මෙන් ඇසී නින්දෙන් නැගිට ගත් පවුලේ අයට දැකගත හැකිවූයේ සිහිසුන්ව නිදි පැදුරේ ඇද වැටී සිටින දීපිකායි. ඒ එක්‌කම මිදුලේ ඇදී යන නාග මාපිලෙක්‌ද ඔවුන්ට දැකගත හැකිවිය.

සිදුව ඇති දේ තේරුම් ගන්නට වැඩි වේලාවක්‌ ගත නොවූ ඔවුහු හැකි ඉක්‌මනින් දීපිකා තිස්‌සමහරාම මූලික රෝහලට රැගෙන ගියහ. එහිදී අවශ්‍ය ප්‍රතිකාර ලබා දුන් වෛද්‍යවරු දීපිකාගේ තත්ත්වය බරපතළ බැවින් හම්බන්තොට මහ රෝහලට යෑව්වාය.

එහිදී ජීවිතයත් මරණයත් අතර සිටි දීපිකාගේ ජීවිතය දින කිsහිපයකට පසු බේරා දෙන්නට වෛද්‍යවරුන්ට හැකි විය.

එහිදී ඇය රෝහලෙන් පිටව යද්දී කීවේ මෙවැනි කථාවකි.

"ගෙදර ඇරල තිබුණු ජනේලයෙන් තමයි ඔය සර්පයා ගෙට ඇවිල්ල තියෙන්නේ. මගේ පුතාගේ ඇඟ උඩින් ඌ ඇවිල්ල මට දෂ්ඨ කරලා ආපසු පුතාගේ මූණ උඩින් ඇදිල යනවිට මට සීතලක්‌ දැනිල ඇහැරුණේ. ඒ වෙලාවේ මම ඉඳල තියෙන්නේ අඩසිහියෙන්. පුතාගේ මුහුණ උඩ ඉඳල සර්පයා විසි කරනවා මට යන්තමට වගේ මතකයි. ඊට පස්‌සේ සිහිය එනවිට මම හිටියේ රෝහලේ. වෙන කිසිවක්‌ මට මතක නැහැ."

මෙසේ දීපිකාට සර්පයකු දෂ්ට කළ පළමුවතාව මෙය නොවෙයි. ඇයට මේ වනවිට නාගමාපිල්ලු තිස්‌ හය දෙනකු තිස්‌හය වතාවකදී දෂ්ඨ කර තිබෙනවා. මීට අමතරව එක්‌ වතාවක්‌ පොළඟකු දෂ්ඨ කර තිබෙනවා. ඒ ඉකුත් ජුනි මස 24 වන දිනයි. තිස්‌සමහාරාම බෙරලිහෙල කුඩා ගම්මාන - 03 අංක 566 යන ස්‌ථානයෙහි පදිංචි දීපිකා එම පොළඟාට ගොදුරු වූයේ තිස්‌සමහාරාම ඇල්ලගල ප්‍රදේශයෙහි එළවළු කොටුවක කුලී වැඩට ගිය අවස්‌ථාවෙහිදීය.

තිස්‌ අට හැවිරිදි වියේ පසුවන එක්‌දරු මවක්‌ වන දීපිකාට වයස අවුරුදු දාහතරේදී 1996 වර්ෂයේදී පළමු වතාවට නාගමාපිලකු දෂ්ඨ කර ඇති අතර එදා සිට ඇය සර්පයන්ගේ දෂ්ඨ කිරීම්වලට ගොදුරු වේ. ගොවිතැනක්‌, කුලී වැඩක්‌ කර තම ජීවිතය ගැට ගසා ගන්නා දීපිකාට මේ වනවිට කුලී වැඩකට වත් යා නොහැකි තත්ත්වයක්‌ උදාවී තිබේ. ඇය කොයිබ කොතැනක ගියත් විසිකුරු සර්පයන් ඇය සොයා ගෙන ඇවිත් ඇයට දෂ්ඨ කරයි.

විශාල පිරිසක්‌ මැද ඇය සිටියත් ඇය සොයා එන සර්පයන් නිසා ඇය සමඟ එකට වැඩ කරන්නට කිසිවකු කැමැති නැත. හිතමිතුරෙකු වුවත් මගතොටේදී වගා බිමේදී වුවද හමුවුවහොත් ඇය සමඟ කථා බහ කරන්නේ සර්පයන් ඇය සොයා කොයි මොහොතේ ඒවිදැයි බියෙන් වටපිට බලමිනි.

නිවසෙන් පිටව දුර බැහැර පිට පළාතකට ගියත් ඇයට සිදුව ඇත්තේ විෂකුරු සර්පයන්ගෙන් බේරී සිටීමටය. වරක්‌ ඇය මිතුරියකගේ නිවසෙහි පැවැත්වෙන උත්සවයකට සහභාගිවීමට මහියංගන ප්‍රදේශයට ගිය අවස්‌ථාවෙහි හිත මිතුරියන් පිරිසක්‌ සමඟ මහවැලි ගඟෙන් නා ගොඩට එන අවස්‌ථාවේදී නාගමාපිලකු ඇයට දෂ්ට කළේය. මේ නිසා මහියංගන රෝහලෙහි දින ගණනාවක්‌ නේවාසිකව ප්‍රතිකාර ලැබීමට සිදුවූවාය.

කාලයක්‌ කොළඹ ප්‍රදේශයෙහි ඇඟලුම් සේවිකාවක්‌ වශයෙන් සේවය කළ දීපිකාට කොළඹ ග්‍රාමීය ප්‍රදේශයකදී ද නාග මාපිලකු දෂ්ඨ කර ඇත. තවත් වරෙක අම්පාර 7කණුව ප්‍රදේශයේදී නාග මාපිලකුගේ දෂ්ඨ කිරීමකට ඇය ගොදුරු වූයේ මිතුරියකගේ නිවසේදීය.

මීට අමතරව දීපිකාගේ ජීවිතය තිස්‌සමහරාම හම්බන්තොට. මහියංගනය හා අම්පාර රෝහල්වල වෛද්‍යවරුන් විසින් බේරාගෙන තිබේ.

එහෙත්... දීපිකාට මේ වනවිට අතුරු ආබාධ රැසකට මුහුණ පෑමට සිදුව ඇත්තේ ශරීරගතව තිබෙන සර්ප විෂ සහමුලින්ම ඉවත් නොවීම නිසාමය.

මේ වනවිට ඇයගේ දත් එකින් එක වැටෙමින් පවතින අතර ඇස්‌ පෙනීමේ දුර්වලතාවකට මුහුණපා තිබේ. තද හිස කැක්‌කුම ක්‌ලාන්ත ගතිය, ඇය කසා පලුගැසීම, කකුල් ඉදිමීම වැනි රෝග රැසකින් පෙළෙන ඇය ඉල්ලා සිටින්නේ මෙම රෝග තත්ත්වයෙන් සහමුලින්ම සුවය ලැබීමට හැකි වෛද්‍යවරයකු ඉදිරිපත්වී ප්‍රතිකාර ලබාදෙන ලෙසය.

තමන් පසු පස පැමිණ දෂ්ට කරන විසිකුරු සර්පයන්ගෙන් බේරීමට යම් මගක්‌ හෝ ප්‍රතිකාර ක්‍රමයක්‌ තිබේනම් දන්වන ලෙස ඇය ඉල්ලා සිටියාය.

හරි හැටි කුලී වැඩක්‌වත් කර ගැනීමට නොහැකිව මුගුණුවැන්න මිටියක්‌, ගොටුකොළ මිටියක්‌, පොළට රැගෙන ගොස්‌ විකුණා ජීවිතය ගැට ගසා ගන්නට වෙර දරන තමන්ට වෛද්‍ය ප්‍රතිකාර සඳහා ගෙවීමට මිල මුදලක්‌ නොමැති බව දීපිකා පැවැසුවාය.

දෙබරවැව - ඒ. ඒ. පේමසිරි (දිවයින)

Read More

සැමියා රට ගොස්‌ දුක්‌ විඳිද්දී බිරිඳ 16 හැවිරිදි ඥති පුතා සමග පැන ගිහින්

මාස 2 1/2 ක්‌ මහනුවරට වී 'පවුල් කෑ' සැකකාරිය රිමාන්ඩ්

මීගමුව සමූහ - විමල් කීර්ති

තම බිරිඳ සහ දරු තිදෙනාට සැපවත් ජීවිතයක්‌ ලබාදීමේ අරමුණෙන් රන් කහවනු සොයා සැමියා මැදපෙරදිග දහඩිය වගුරද්දී අනියම් සබඳතාවක්‌ මත බිරිඳ සැමියාගේ අක්‌කාගේ 16 හැවිරිදි පුතා සමග පලාගොස්‌ මහනුවර ප්‍රදේශයේ සැඟවී මාස 2 1/2 කාලයක්‌ පවුල් ජීවිතයක්‌ ගතකරද්දී පොලිස්‌ අත්අඩංගුවට පත්ව පසුව මීගමුව ප්‍රධාන මහෙස්‌ත්‍රාත් පූර්ණිමා පරණගමගේ මහත්මිය වෙත ඉදිරිපත් කිරීමෙන් අනතුරුව එම කාන්තාව සැප්තැම්බර් මස 9 වැනිදා දක්‌වා රිමාන්ඩ් භාරයට පත් කිරීමේ සිද්ධියක්‌ 27 දා මීගමුව ප්‍රධාන මහෙස්‌ත්‍රාත් අධිකරණයේදී දැකගත හැකි විය.

මීගමුව පොලිසියේ ළමා හා කාන්තා කාර්යාංශය මගින් එම කතට එරෙහිව ඉදිරිපත් කළ පැමිණිල්ල අනුව ඇය මීගමුව අක්‌කර 50 ප්‍රදේශයේ පදිංචි 32 හැවිරිදි කතකි. ඇය රූමත් තිදරු මවකි. බාල වයසේදී පති කුලයට පිවිසි ඇය මේ වන විට වසර 5 වසර 10 සහ වසර 15 වයස්‌වල දරුවන් තිදෙනකුගේ මවකි. මෙයින් වසර 5 සහ 15 වයස්‌වල දරුවන් දෙදෙනා පිරිමින් වන අතර 10 හැවිරිදි දරුවා ගැහැනු ළමයෙකි. 

මෙම කතගේ සැමියා රැකියාවක්‌ සඳහා විදේශගත වීමට පෙර බිරිඳ සහ දරුවන්ගේ වැඩි ආරක්‍ෂාව සඳහා සැමියාගේ දෙමාපියන්ගේ නිවසට ඇරලවා තිබේ. සැමියාගේ අක්‌කාගේ නිවස ද සැමියාගේ මහ ගෙදර අසල පිහිටා තිබෙන අතර සැමියාගේ අක්‌කාට අවුරුදු 16 වියෑති තරුණ පුතෙක්‌ සිටී. ටික කලක්‌ යත්ම නොදැමුණු ආශාවෙන් පෙළුනු තරුණ නැන්දා ඥති පුතාව කම් සැපවලට පොළඹවා එම තරුණ පුතු තම අනියම් පුරුෂයා කරගෙන ඇත. කල්යත්ම පුංචි නැන්දාට තම ඥති පුතාවත්, ඥති පුතාට තරුණ නැන්දාවත් නොදැක සිටිය නොහැකි තත්ත්වයක්‌ උදාවී ඇත.

ඒ අනුව තම දෙදෙනාට සුවපහසුව හුදකලාවේ කම්සැප විඳීමට තීරණය කර ඔවුන් දෙදෙනා මහනුවර ප්‍රදේශයට පලාගොස්‌ නැන්දාගේ යෙහෙළියකගේ නිවසක ලැගුම්ගෙන ඔවුන් අඹු සැමියන් වශයෙන් මාස 2 1/2 ක්‌ කල්ගත කොට ඇත.

තම පියා විදේශගතවීමත්, තම මව වෙනත් ප්‍රදේශයකට පළායැම නිසා නිසි රැකවරණයක්‌ නොමැති බාලවයස්‌ දරු තිදෙනා මීගමුව පොලිසියේ ළමා හා කාන්තා කාර්යාංශයේ පිහිට පතා පැමිණිලි කොට ඇත. පසුව පොලිස්‌ විමර්ශන වලින් අනතුරුව මහනුවර ප්‍රදේශයේ සැඟවී සිටි අලුතින් පවුල් ජීවිතය ඇරඹූ එම යුවළ පොලිස්‌ අත්අඩංගුවට පත්ව ඇත.

බාලවයස්‌ කුඩා දරු තිදෙනාට නිසි රැකවරණය ලබා නොදීමේ චෝදනාව මත 32 හැවිරිදි මව මීගමුව පොලිසියේ ළමා හා කාන්තා කාර්යාංශය මගින් අධිකරණය වෙත ඉදිරිපත් කරන ලදී. එම ළමුන් තිදෙනා සම්බන්ධයෙන් පරිවාස වාර්තාවක්‌ කැඳවීමට මීගමුව පොලිසියට නියෝග කළ මීගමුව ප්‍රධාන මහෙස්‌ත්‍රාත් පූර්ණිමා පරණගමගේ මහත්මිය එම තිදරු මව සැප්තැම්බර් මස 9 වැනි දින දක්‌වා රක්‍ෂිත බන්ධනාගාර ගත කෙරිණි. විත්තිය වෙනුවෙන් නීතිඥ වෙනුර ගුණවර්ධන මහතා පෙනී සිටියේය. වැඩිදුර විභාගය සැප්තැම්බර් මස 9 වැනි දින පැවැත් වේ.

Read More

කාන්තා සමුපකාරයේ 25 වන සංවත්සරය...

කාන්තා සමුපකාරයේ 25 වන සංවත්සරය නිමිත්තෙන් සංවත්සර උළෙලක් සමුපකාර හා අභ්‍යන්තර වෙළෙඳ කටයුතු අමාත්‍ය ජොන්ස්ටන් ප්‍රනාන්දු මහතාගේ ප්‍රධානත්වයෙන් සුගතදාස එළිමහන් ක්‍රීඩාංගණයේදී ඊයේ (29) පැවැත්විණි. එම උත්සවයේදී නර්තනයක් ඉදිරිපත් කළ කාන්තාවන් පිරිසක් සමග ඇමැතිවරයා ඡායාරූපයකට පෙනී සිටි අයුරු. (ඡායාරූපය : මැන්කන් ගුණසේකර)

Read More

සරණාගතයන් මරණින් බේරන අඹු සැමියෝ

  මෝල්ටාවේ අඹු සැමි යුවලක් මධ්‍යධරණී මුහුදේ දී අනතුරට පත්වන සංක්‍රමණිකයන් බේරා ගැනීමට බෝට්ටුවක් යොදවා ඇතැයි විදෙස් මාධ්‍ය වාර්තා කරයි. රෙජිනා හා ක්‍රිස් ක්‍රැතම්බෝන් යන දෙදෙනා තම පුද්ගලික ධනය යොදවමින් ෆිනික්ස් නම් යොට් යාත්‍රාවක් මේ සඳහා යොදා ඇතැයි ද මුහුදේ දී අනතුරට පත්වන සංක්‍රමණිකයන් බේරාගැනීමට පුද්ගලික බෝට්ටුවක් යෙදවී පළමු අවස්ථාව මෙය බව ද මාධ්‍ය වාර්තා කරයි.

සෑම වසරක දී ම උතුරු අප්‍රිකාවේ සිට යුරෝපයට සංක්‍රමණය කරන්නන් දහස් ගණනක් යුරෝයත් අප්‍රිකාවත් අතර පිහිටි මධ්‍යධරණී මුහුද තරණය කිරීමට උත්සාහ ගනිති. එහෙත් ඔවුන්ගෙන් බොහෝ දෙනෙක් මෙම සංචාරයේ දී දිවිරැකගැනීමට සමත් නොවෙති.
දැනට 2014 දී පමණක් සංක්‍රමණිකයන් 2000ට වැඩි පිරිසක් මියගොස් ඇතැයි එක්සත් ජාතින්ගේ සරණාගත ඒජන්සිය පවසයි. ඉන් 1600ක් මියගොස් ඇත්තේ මැයි මාසයෙන් පසුවය.

Read More

ජරාව විකුණා අහුවේ.. තවත් මැක්ඩොනල්ඞ්ස් අවන්හල් වසා දැමේ

සෞඛ්‍යාරක්ෂිත නොවීම හේතුවෙන් මොස්කව් නගරයේ පිහිටා ඇති මැක්ඩොනල්ඞ්ස් අවන්හල් 3ක් තාවකාලිකව වසා දැමීමට රුසියානු අධිකරණයක් විසින් තීන්දු කර තිබේ.
බොල්ෂායා බ්‍රොන්නායා වීදිය, ප්‍රොස්පෙක්ට් මීරා වීදිය සහ මානේෂ්නායා චතුරස‍්‍රය යන ස්ථානවල පිහිටි මැක්ඩොනල්ඞ්ස් අවන්හල් මෙසේ දින 90ක කාලයකට වසා දමන ලෙස නියෝග කර ඇත.
මින් පෙර එම අවන්හල් පරීක්ෂා කළ රොස්පොටෙ‍්‍රබ්නාඞ්සෝර් හෙවත් රුසියානු පාරිභෝගික ආරක්ෂණ ආයතනය විසින් ඒවායෙහි කටයුතු අත්හිටුවා තිබිණි.

මේ සමග රුසියාව තුළ වසා දමා ඇති මැක්ඩොනල්ඞ්ස් අවන්හල් ප‍්‍රමාණය 6ක් බවට පත්ව තිබේ.
මොස්කව් නගරයේ අවන්හල් 4ක්, ස්ටැව්රොපෝල් සහ යෙකතරිනාබර්ග් නගරවල අවන්හල් 2ක් මේ අතර වේ.
මැක්ඩොනල්ඞ්ස් සමාගම පවසා ඇත්තේ මෙම අධිකරණ තීන්දුවට තමන් එකග නොවන බවයි.
ඒ අනුව පිළිගත් ක‍්‍රමවේද යටතේ එම තීන්දු පිළිබඳ අභියාචනයක් ඉදිරිපත් කරන බවද සමාගම් වෙබ් අඩවියේ දක්වා තිබේ.

ඒ වෙනුවෙන් පෙනී සිටින නීතිඥ මැක්සිම් ටිටරෙන්කෝ පවසා ඇත්තේ පාරිභෝගික ආරක්ෂණ ආයතනයට අනුව සෞඛ්‍යාරක්ෂිත බව උල්ලංඝනයවූ අවස්ථා මේ වන විටත් නිවැරදි කරගෙන හෝ කරමින් ඇති බවයි.
එබැවින් අධිකරණ තීන්දුව උපරිම ක‍්‍රියාමාර්ගයක් බව ඔහුගේ අදහස වී තිබේ.
ඇමරිකාවට පරිබාහිරව මැක්ඩොනල්ඞ්ස්හි ප‍්‍රධාන වෙළඳපොළ 7න් එකක් වන රුසියාව තුළ ඇති අවන්හල් සංඛ්‍යාව 438කි.

Read More

වියදම් පාලනය තම තමන්ගේ වැඩක්.. ආණ්ඩුවට දොස් කීම අසාධාරණයි..

ජීවන වියදම වැඩියි කියා කීවත් ජීවන වියදම තුළ ආහාර ද්‍රව්‍ය සඳහා යන වියදමට වඩා ආහාර නොවන ද්‍රව්‍ය සඳහා කරන වියදම වැඩි වී ඇති බව ඛනිජ තෙල් කර්මාන්ත අමාත්‍ය අනුර ප‍්‍රියදර්ශන යාපා පෙන්වාදෙන ලදී.
ඔහු මේ අදහස් පළ කළේ රුපියල් මිලියන 40 ක විමධ්‍යගත අරමුදල් යොදවා කටුගම්පොල මැතිවරණ කොට්ඨාශයේ යටිතල පහසුකම් සංවර්ධනය ව්‍යාපෘති ආරම්භ කිරීමේ උලෙළ අමතමිනි. මාර්ග සංවර්ධනය ව්‍යාපෘති, ප‍්‍රජා සංවර්ධන මධ්‍යස්ථාන සහ ග‍්‍රාමීය යටිතල පහසුකම් සංවර්ධන ව්‍යාපෘති  වැඩ ආරම්භ කිරීම සිදුවිය.

මෙම අවස්ථාවේ දී තවදුරටත් අදහස් දක්වමින් ඒ මහතා සමාජය සංකීර්ණවිමත් සමග වියදම් වැඩි වී ඇති බවත් සමාජය ඉතා සරල නම් වියදම් අඩුවන බවත් පැවසීය. විදුලිය නොමැතිව කුප්පි ලාම්පු එළියෙන්, ජලය ලිදෙන් අරගන පයින් ගමන් ගොස් ජීවත් වූ කාලයේ වගේ නොවෙයි අද මේ නිසා වියදම් පාලනය කිරීම පුද්ගල බද්ධ කාරණයක් බවත් ඒ සඳහා ආණ්ඩුවට දොස් පැවරීම අර්ථාන්විත නොවන බවත් පැවසී ය. සෑම ගෙදරකම සාමාජිකයින් සංඛ්‍යාවට දුරකථන තිබෙන බවත් ඒ සඳහා බිල් පතක් ලැබෙන බවත්, සෑම ගෙදරකටම මෝටර් සයිකලයක් තිබෙන බවත් පොදු ප‍්‍රවාහන සේවා භාවිතා කරන පිරිස අඩු වී තිබෙන බවත් පෙන්වා දෙන ලදී. එසේම කාන්තාවන් වැඩි පුර පොදු ප‍්‍රවාහන සේවා භාවිතා කළත් දැන් ඔවුන් ද ස්කුටර් භාවිතා කිරීමට පුරුදුව සිටින බවත් අමාත්‍යතුමා පෙන්වා දෙන ලදී. සමාජය වෙනස් වීමත් සමගම විය හියදම් ද  වැඩි වී තිබෙන බව අමාත්‍යවරයා පවසන ලදී. ඇතැම් පිරිස් මේ වෙනස් වීම ඇතුලේ ජීවත් වෙමින් ජීවන වියදම වැඩියි කියා ආණ්ඩුවට බනින බවත් මෙහිදී පෙන්වා දෙන ලදී. කිසිම රජයකට සමාජය එදා තිබුණු තැන තැබීමට නොහැකි බවත් සමාජ පරිවර්ථනයකට කටයුතු කළ යුතු බවත් එය කරන ආකාරය පමණක් වෙනස් බව ඔහු පෙන්වා දෙන ලදී.

‘සමාජ පරිවර්ථන සම්බන්ධයෙන් චිත්තරූප මවමින් විවිධ චෝදනා රජයට එල්ල කිරීමට විපක්ෂය පුරුදු වී තිබෙනවා. ජේවිපී එකට යුඑන්පී එකට රජය මොනව කළත් වැරදියි. හොද කළත් වැරදියි. නරක කළත් වැරදියි. සමහරු අහනවා ලෝක වෙළද පළේ තෙල් මිල අඩුයි ඇයි තෙල් මිල අඩු කරන්නේ නැත්තේ කියා. මේ වාගේ විවිධ බොහෝ නොදන්න කරුනු ගැන කථා කරන්න විවිධ පිරිස් උත්සාහ ගන්නවා. ඒකට හේතුව මිනිස්සු පපුරුදු වෙලා තියෙනව කටකථා විශ්වාස කරන්න. බොහෝ විට කරුනු සොයා බලා අධ්‍යයනය කිරීමට කටයුතු කරන්නෑ. පුවත් පත් කියවන්නේ නෑ.

සංවර්ධන ව්‍යාපෘති තුළින් ගම් සංවර්ධනය කිරීමට රජය කටයුතු කරනවා. මේ තුළින් නගරයේ තිබෙන පහසුකම් ගමට ගෙන ඒමට කටයුතු කරනවා. ඒකටත් විවිධ කටකථා පතුරුවන්නට ජේවිපී එක යුඑන්පී එක කටයුතු කරනවා’

- ජානක හඳුන්පතිරාජ

Read More

ලෝකයම එල්නිනෝවෙන් කැලඹෙද්දී අපේ කාලගුණය තවම නිදි

ලෝකයම එල්නිනෝවෙන් කැලඹෙද්දී අපේ කාලගුණය තවම නිදි

රෂිනි මෙන්ඩිස්

ලෝක කාලගුණ සංවිධානය විසින් දකුණු ආසියාවේ ශ්‍රී ලංකාව ඇතුළු රටවල් ගණනාවකට බලපෑ හැකි යැයි ප්‍රකාශ කර තිබෙන 'එල්නිනෝ' කුණාටුව සම්බන්ධව මෙරට කාලගුණික දෙපාර්තමේන්තුව මෙතෙක් කිසිදු අවධානයක් යොමු කර නොමැත.


මේ වසරේ දෙසැම්බර් මස ලංකාවටද බලපාන බවට අනාවැකි පළ කර ඇති මෙම එල්නිනෝ කුණාටුව හේතුවෙන් මෙරටට බරපතළ හානි සිදුවිය හැකි බව ලෝක කාලගුණ සංවිධානය ප්‍රකාශ කර තිබියදීත් කාලගුණ දෙපාර්තමේන්තුව එම හානි සම්බන්ධයෙන් මෙතෙක් ආණ්ඩුවේ බලධාරීන් දැනුම්වත් කර නොමැත.


එල්නිනෝ කුණාටුව පිළිබඳ මෙරට සූදානම කෙසේදැයි කාලගුණ දෙපාර්තමේන්තුවේ පර්යේෂණ අංශයේ ජයසේකර මහතා ප්‍රකාශ කර සිටියේ එල්නිනෝ කුණාටුව ලංකාවට බලපානවා දැයි මෙතෙක් නොදන්නා හෙයින් ඒ සඳහා මෙතෙක් අවධානය යොමු කර හෝ අනතුරු ඇඟවීමක් සිදු කර නොමැති බවත්ය. එමෙන්ම මේ සඳහා ආපදා කළමනාකරණ දෙපාර්තමේන්තුව දැනුම්වත් කිරීමටද කාලගුණ දෙපාර්තමේන්තුව කටයුතු කර නොමැත.
^මව්බිම පුවත් පත ඇසුරෙනි&      

Read More

වාරියපොල තරුණිය කරුණු 03 ක් හෙළි කරයි

නීතියේ රැකවරණය නොලැබීම ඇතුලූ කරුණු තුනක් මූලික කරගනිමින් වාරියපොල සිදුවීමට අදාළ තිළිණි අමල්කා මෙනවිය මානව හිමිකම් නඩුවක් ගොනු කිරීමට තීරණ කර ඇත.

ඒ සඳහා ඇය සමග “Right Now” සංවිධානය පෙනී සිටින බවයි ඇගේ නීතීඥ ලක්ෂාන් ඩයස් මහතා “Asian mirror.lk”වෙබ් අඩවියට සඳහන් කළා.

මෙම ගොනු කිරිමට අනුව නීතිමය රැකවරණය නොලැබීම,පොලිස් අත්අඩංගුවට පත් වීම සහ කාන්තාවක් ලෙස අපහරණයට ලක්වීම යන කරුණුවලට අනුව මෙම නඩුව ගොනුකරන බවයිනීතීඥ ලක්ෂාන් ඩයස් මහතා සඳහන් කළේ.

ඉදිරියේ දි මෙම නඩුව ගොනු කරන බවයි ඔහු වැඩිදුරටත් සඳහන් කර සිටියේ.මේ අතර නීතීඥවරයා වැඩිදුරටත් සඳහන් කළේ සිදුවීමට අදාළ තරුණයා දිගින් දිගටම ඇයට අපහාස කිරීම දැඩි නීතිමය වරදක් බවද පැහැදිලිව සඳහන් වන බවයි.

Read More

දොස්තරලා දෙන්නෙක් මහ සභාවක ගුටි ඇණ ගනිති.. දෙදෙනාම පොලීසියේ..

මාදම්පේ රජයේ රෝහලේ ප‍්‍රධාන වෛද්‍ය නිළධාරී සහ කරුවලගස්වැව සෞඛ්‍ය වෛද්‍ය නිලධාරිවරයා අතර පුත්තලම් දිස්ත‍්‍රික් සෞඛ්‍ය සේවා අධ්‍යක්ෂ කාර්යාලයේ පැවති පුත්තලම් දිස්ත‍්‍රික් සෞඛ්‍ය ප‍්‍රධානීන්ගේ රැස්වීමක් අතර තුර දී අතර ගුටි බැට හුවමාරුවක් සිදුව ඇත.

රැස්වීම අතර තුර සිදු වූ බහින් බස් වීම ගුටි බැට හුවමාරුවකින් අවසන් වී ඇතැයි පවසන පොලිසිය අනෙක් වෛද්‍යවරු එම ගැටුම බේරා ඇතැයිද කියයි.

මුලින්ම පොලීසියට පැමිණිලි කරමින් කරුවලගස්වැව සෞඛ්‍ය වෛද්‍යවරයා කියා ඇත්තේ මාදම්පේ රෝහලේ ප‍්‍රධාන වෛද්‍ය නිළධාරි ජයනාත් බුත්පිටිය තමාට පහර දුන් බවයි.

මාදම්පේ රෝහලේ ප‍්‍රධාන වෛද්‍ය නිළධාරිවරයාද දෙවනුව පොලීසියට පැමිණිල්ලක් කරමින් කියා ඇත්තේ කරුවලගස්වැව සෞඛ්‍ය වෛද්‍ය නිළධාරි එන්. නවරත්න තමාට පහර දුන් බවයි.

Read More

මන්ත‍්‍රී කඩුවක් වනමින් සභාවේ යකා නටයි..

ඊයේ දිනයේ පැවති ඇහැලියගොඩ ප‍්‍රාදේශීය සභා ටෙන්ඩර් කමිටු අවස්ථාවට සන්ධාන මන්ත‍්‍රී ආර්. ධනරත්න මහතා කඩුවක් රැගෙන පැමිණ කලබල කර මන්ත‍්‍රිවරයකුට පහර දුන් බවට පොලීසියට පැමිණිලි ලැබී ඇත.
ටෙන්ඩර් කමිටුවේ සාමාජිකයකු වන රත්නපාල සෙනරත් මන්ත‍්‍රීවරයා කළ පැමිණිල්ලක් අනුව පොලීසිය මේ සම්බන්ධ පරික්ෂණ ආරම්භ කර ඇත.

ටෙන්ඩර් කමිටුවේ රැස්වීම ආරම්භ වීමෙන් පසුව සාමාජිකයකු වන ධනරත්න මන්ත‍්‍රීවරයා ටෙන්ඩර් කමිටුවේ කෙරෙන්නේ හොර මැරකම් බවත් ගිවිසුම් අත්සන් කර වැඩ ආරම්භ කර ඇති කර්මාන්ත වලටත් ටෙන්ඩර් කැඳවා ඇති බවත් කියමින් තමාගේ අතේ තිබූ ටෙන්ඩර් පත‍්‍රිකාවක් උදුරා ගත් බවත් සිද්ධිය පිළිබඳව ප‍්‍රකාශයක් කළ රත්නපාල සෙනරත් මහතා පැවසීය. එවිට එහි කොටසක් ඔහු අත රැදී ඉතිරි කොටස තමා අත රැදුණු බව ද ඔහු කීය.

එහිදී සභාවෙන් පිට වී ගිය ධනරත්න මන්ත‍්‍රීවරයා කඩුවක් ද රැගෙන යළිත් සභාවට පැමිණ තමාට පහර දීමට උත්සාහ කරද්දී තමා එය වළක්වා ගත් නමුත් තමාගේ අත ඇඹරී ගිය බව ද ඒ සඳහා ප‍්‍රතිකාර ලබා ගැනීමට තමාට සිදු වූ බව ද රත්නපාල සෙනරත් මහතා කීය.

කෙසේ වෙතත් ධනරත්න මන්ත‍්‍රීවරයා මේ සම්බන්ධයෙන් ඔහු කියා සිටියේ මෙදින ටෙන්ඩර් කමිටුවේ දී වංචා සහගත වැඩක් කෙරෙන බව තමා දැන ගත් නිසා දැනට ගිවිසුම් මත වැඩ ආරම්භ කර ඇති කර්මාන්තයකට ටෙන්ඩර් කැඳවීම වැරදි බව කියද්දී එය පිළි නොගෙන ටෙන්ඩර් විවෘත කිරීමට පටන් ගත් නිසා මෙම ආරවුල ඇති වූ බවත්ය.

Read More

දකුණු සුපිරි මඟේ කුණු වැඩ, වැලිපැන්නේ වැසිකිළි උතුරයි:කුණු කෑමත් වළ දමයි

  දක්ෂිණ අධිවේගී මාර්ගයේ වැලිපැන්න සේවා පෙදෙසේ කඩ සාප්පු  සංකීර්ණයේ වැසිකිළි උතුරා යෑම සතියක් ඇතුළත වළක්වන්නැයි මතුගම සෞඛ්‍ය වෛද්‍ය අධිකාරී එහි පාලන අධිකාරීයට නියෝග කළේය.

ගාල්ල කොට්ටාව මං තීරුව පැත්තේ කඩ සාප්පුවල වැසිකිළි උතුරා ගොස් ඇත.


වැලිපැන්න සේවා පෙදෙසේ පාර දෙපැත්තේම  ඇතැම් කඩ සාප්පුවල මිනිස් ආහාරයට නුසුදුසු පළතුරු,පිසු හා වියළි ආහාර,බිත්තර මස් මාළු ආදීය විනාශ කළ බව ද මතුගම අතිරේක සෞඛ්‍ය වෛද්‍ය නිලධාරී නාලක ජයසිංහ මහතා කියයි.

Read More

මාදම්පේ තරුණයාගේ මරණය සියදිවිනසා ගැනීමක් පෙම්වතිය අන්සතුවීමෙන් කලකිරිල

පසුගියදා මාදම්පේ ප්‍රදේශයේ කැලෑවක එල්ලෙමින් තිබියදී හමුවූ ඉංජිනේරු ආයතනයක සේවය කළ තරුණයෙකුගේ නරක්වූ මළ සිරුර ඔහුගේ පෙම්පළහිලව්වක අවසන් ප්‍රතිඵලයක් බව මේවනවිට අනාවරණයවී තිඛෙනවා.
විසිපස් හැවිරිදි සී.පී.චතුර විදුරංග සිරිවර්ධන නමැති මෙම තරුණයා පෙම් සබඳතාවක් පැවැත්වූ තරුණිය මොහුව හැරදමා වෙනත් තරුණයෙකු හා සබඳතාවයක් අරඹා ඇති අතර මොහුට රිදවීමට
නව පෙම්වතා සමග මොහු ඉදිරියේ දෙදෙන අත්වැල් අල්ලාගෙන සැරිසරමින් හැසිරී ඇති බවද වාර්තාවුණා.
මෙයින් මානසික පීඩාවට පත් තරුණයා ඔවුන් හමුවී මේ ආකාරයට නොකරන්නැයි ඉල්ලා ඇති නමුත් ඔවුන් මොහුව විසුළු වලට භාජනය කරමින් බැණවැදී

එළවාගෙන ඇත්තේ තවත් රිදවමිනි.
තමන් දැඩි ලෙස ආදරය කළ තරුණිය වෙනත් අයෙකු හා එක්වී තමාට විරුද්ධව මේ ආකාරයට හැසිරීමෙන් චිත්ත සන්තාපයට පත් විදුරංග ඔවුන්ට පවසා ඇත්තේ තමාට මේ ආකාරයට පීඩාවක් කරනවා නම් දිවිතොරකරගන්නා බවකි.
මේ දෙදෙනා අතර පෙම් සබඳතාවයක් පැවති බව තරුණයාගේ දෙමාපියන් දැනසිටි නමුත් සිද්ධවූ පටලැවිලි ගැන වැඩිමනක් දැන සිට නැත.
මේ අතරවාරයේ පසුගිය මාසයේ නිවසින් පිටත්වූ විදුරංග හදිසියේ අතුරුදන්ව තිබුණා. නිවැසියන් ඔහු ගැන සොයා බැලූවත් කිසිදු ආරංචියක් ලැබී තිබුනේ නැත.
පසුව නිවැසියන් පොලිසියට පැමිණිලි කළද තොරතුරක් හමුවුනේ නැත. විදුරංග නැතිවූ ආරංචිය ඔහු ළ`ගින් ඇසුරු කළ පෙම්වතියට දෙමාපියන් සැලකරේ තොරතුරක් දැනගන්නටය. නමුත් ඇයද ඔහුට වූ දෙයක් නොදන්නා බව කියා තිබුණි.

ටික දිනක් යද්දී වනසංරක්ෂණ දෙපාර්තමේන්තුවේ නිලධාරීන් පිරිසක් කැලෑවේ රාජකාරියේ නිරවෙද්දී මාදම්පේ පනිරෙන්දාව ප්‍රදේශයේ වනන්තරයක තිබී විදුරංගගේ හැඳුනුම්පත සහිත බෑගය සොයාගෙන පසුව පොලිසියට දන්වා නිවැසියන් සමග කෙරුණු සෝදිසියේදී
අභිරහස් ලෙස ගසක එල්ලෙමින් තිබූ ඔහුගේ මළ සිරුර හමුවී තිබුණා.

තම නිවසින් අතුරුදහන්වූ පුත්‍රයා දින 25 කට පසු මෙලෙස හමුවේවියැයි මව්පියන්ට විශ්වාස කරන්නට බැරිව ගිය අතර මේ ආරංචිය සැලවූ පසු පොලිසිය පෙම්වතියගෙන් ප්‍රකාශයනක් ලබාගන්නට

ඇයට කැඳවීමක් කරා. එයින් පසු වාර්තාවූයේ විදුරංගගේ හිටපු පෙම්වතිය වසබීම නිසා රෝහල් ගතවූ බවකි.නමුත් ඇය දැඩි සත්කාර ඒකකයේ ප්‍රතිකාර ලබා දැන් සුවය ලබා ඇති බවද සැලවෙනවා.
මාදම්පේ - පූක්කුලම ප්‍රදේශයේ පදිංචිව සිටි සී.පී.චතුර විදුරංග සිරිවර්ධන නම්වූ මෙම තරුණයා සිවිල් ඉංජිනේරු පාඨමාලාවක්ද  හදාරා ඇති අයෙකි.ඔහු පුද්ගලික ආයතනයක සේවය කරමින් සිටියේය.
සිද්ධිය පිළිබඳ වැඩිදුර පරීක්ෂණ සිදුවෙයි.
- ජූඩ් සමන්ත

Read More

පොල් ගානට මගීන් පැටවූ අර්ධ සුඛෝපභෝගී බස් රථ 218කට වැඩ වරදී

ආසනගත ප්‍රමාණයට වඩා මගීන් නංවාගෙන ධාවනයේ යෙදුන අන්තර් පළාත් අර්ධ සුඛෝපභෝගී සේවා බස් රථ 218කට  එරෙහිව පියවර ගැනීමට  ජාතික ගමනාගමන කොමිෂන් සභාව මගින් කටයුතු කර ඇත.
2014.01.01 සිට 2014.08.20 දින දක්වා කොමිෂන් සභාවේ ජංගම පරීක්ෂණ ඒකකය විසින් සිදු කළ වැටලීම්වලදී  අසීමිත ලෙස මගීන් පටවාගෙන යන ලද මෙම බස් රථ හසු කරගනු ලැබ ඇත.

 මෙලෙස අසීමිත ලෙස මගී නංවාගෙන යාමේ වරද සිදු කළ ඇතැම් බස් රථ එක්වරකට වඩා එම වරද සිදු කළ අවස්ථා ද ඇති අතර එවැනි බස් රථ 72ක් මේ අතර වේ.
මගී ප්‍රවාහනය කරන අතරතුර  වැරදි කරන බස් රථ වැටලීම් කඩිනම් කරන ලෙස  ජාතික ගමනාගමන කොමිෂන් සභාවේ සභාපති රේණුක පෙරේරා මහතා විසින් ජංගම පරීක්ෂණ අංශය වෙත උපදෙස් ලබාදී තිබේ.

ඒ අනුව මේ වන විට ජංගම පරීක්ෂණ අංශය  විසින් දීප ව්‍යාප්තව අඛණ්ඩව වැටලීම් සිදු කරනු ලබයි.
අර්ධ සුඛෝපභෝගී සහ සුඛෝපභෝගී බස් රථ ආසන ප්‍රමාණයට වඩා  මගීන් නංවාගෙන ධාවනයේ යෙදීම ධාවන බලපත්‍ර කොන්දේසි උල්ලංඝනය කිරීමක් වේ. එබැවින් මෙම බස් රථ අයත් බස්  හිමියන්ගෙන් අදාළ වරදට සමගාමීව දඬුවම්  වශයෙන්  පරිපාලන ගාස්තු අයකර ඇත. එසේම එකම වරද අවස්ථා 3කට වඩා වැඩියෙන් සිදුකරන  ලද රියැදුරු/කොන්දොස්තරවරුන් සඳහා  යම් නිශ්චිත කාලසීමාවක් දක්වා  සේවා අත්හිටුවීමට ද කටයුතු කර ඇත.

මේ අතර අසීමිත ලෙස මගීන් නංවාගෙන ධාවනයේ යෙදුනු  සුඛෝපභෝගී බස් රථ 31ක් ද  අදාල කාලසීමාව තුල සිදු කළ වැටලීම්වලදී හසු වී තිබෙන අතර ධාවන බලපත්‍ර කොන්දේසි උල්ලංගණය කිරීමේ වරදට   එම බස් රථවලට එරෙහිවද කටයුතු කර තිබේ.
ආර්.ඩී.එස් ජීවනී
මාධ්‍ය ඒකකය
ජාතික ගමනාගමන කොමිෂන් සභාව

Read More

පුතාට වඩා තරුණ වයස 63 අම්මා

මුලු ලෝකයේම තරුණියන් අතරේ මෙන්ම තරුණයන්ගේද මහත් ප්‍රසිද්ධියට පත් වීමට ගායක හෙන්ඩ්‍රික් ඉග්ලේෂියස්ගේ ට හැකි වී ඇත්තේ ඔහුගේ කඩවසම් පෙනුම නිසාවෙනිග මේ අතර ඔහුගේ 63 හැවිරිදි  මවත් ඒ ආකාරයෙන්ම වයස 63ක් යැයි කීමට නොහැකි තරමේ සුන්දරත්වයකින් හා  තරුණ පෙනුමකින් යුතු බවට වාර්තා කරයි


තරුණ වියේ සිටම මෝස්තර නිරූපණ ශිල්පිණියක් ලෙස කටයුතු කර ඇති ඉසබෙලා ප්‍රිස්ලර් නමැති එම කාන්තාව පිලිපීනයේ මැනිලා නුවර ඉප දී තිබේග ඇය 1970 වර්ෂයේ විවාහ වී ඇති අතර ඇය දරු තිදෙනෙකුගේ මවකි

විදෙස් මාධ්‍ය වාර්තා කරන අන්දමට ඇය මේ වනවිට ජාත්‍යන්තර විලාසිතා සලකුණක් ලෙස ලොව පුරා ප්‍රසිද්ධියට පත්ව ඇත

Read More

අයි ෆෝන් එකක් පියයුරක් පුච්චයි

 තරුණියක් භාවිතාකල අයි ෆෝන් එකක් හේතුවෙන් ඇගේ පියයුර පිළිස්සී ඇති බවට පුවතක් විදෙස් මාධ්‍ය වාර්තා කරයි

ඩියෝ බැක්ස්ටන් නමැති 24 හැවිරිදි තරුණිය එංගලන්තයේ එසෙක්ස් ප්‍රාන්තයේ වෙසෙන අතර ඇය මෙම සිද්ධියට මුහුණ දී තිබෙන්නේ තම අයි ෆෝන් එක ජය්රටැ වීම සඳහා දමා රාත්‍රි නින්දේ සිටින අවස්ථාවේ දී ය

ඇය මෙම අනතුරට මුහුණ දී ඇත්තේ අයි ෆෝන් 5 වර්ගයේ දුරකතනයක් මගින් වන අතර අඟල් පහක පමණ පිළිස්සුම් තුවාල මෙමගින් ඇගේ පියයුරුවේ ඇති වී තිබේ

Read More

මැලේසියානු ගුවන්යානයකදී තරුණියක් දූෂණයට ලක්වෙයි (වීඩියෝ සහිතයි)

ක්වාලාලාම්පූර් සිට පැරීසිය බලා පියාසර කරන්නට පැමිණි ඇගේ නම ලෝරා බෂ්නි ය

ඇයගේ ගුමන් ගමනට ලැබී තිබුණේ මැලේසියානු ගුවන් සමාගමට අයත් එම්ගඑච් 20 ගුවන් යානයයි
පැරීසියේ වෙසෙන තම පෙම්වතා හමුවන්නට 26 හැවිරිදි ඇය මේ අවස්ථාවේ යමින් සිටියාය
ලෝරා අසුන්ගෙන සිටි අසුනට යාබද අසුනේ කිසිවෙක් නොවීය

මොහොමඩ් රොස්ලි බින් අබ් කරීම් නම් වූ ගුවන් යානයේ ප්‍රධාන ස්ටුවර්ඩ් වරයා එම අසුනේ හිඳගෙන ඇත්තේ කාටත් හොර රහසේමය
ඇයට වඩාත් සමීප වු ඔහු ඇගේ විරෝධය නොතකා අවස්ථා දෙකකදීම ඇයගේ රහස් පෙදෙස රළු ලෙස ස්පර්ෂ කළ බවට ඇය මාධ්‍යයට පාපොච්චාරනය කොට ඇතග
ඇය මේ සිදුවීම පිළිබඳව ලෝරා පොලීසියට පැමිණිළි කිරීමෙන් අනතුරුව කෙරුණු මූලික පරීක්ෂණයේදී  මොහොමඩ් රොස්ලි බින් අබ් කරීම් පවසා ඇත්තේ එම කටයුත්ත සඳහා ලෝරා ගේ කිසිදු විරෝධයක් නොතිබූ බවයග
මෙම සිදුවීමට මොහොමඩ් වැරදිකරු වුවහොත් ඔහුට 15 වසරක් සිරදඬුවම් විදීමට සිදුවනු ඇත

Read More

ජිරාෆ් කෙනෙක් වෙන්න යන දරුවෙක්

චීනයේ ජීවත්වන 15 හැවිරිදි පාසල් සිසුවෙක්ගේ ගෙළ අසාමාන්‍ය ලෙස පිහිටීම හේතුවෙන් මෙම දරුවා දැඩි අපහසුතාවයට පත් ව සිටී.මෙම දරුවාගේ කොඳු ඇට පෙළෙහි වැඩිපුර කොඳු ඇට ත්‍රිත්ත්වයක් පිහිටා ඇත.

සාමාන්‍ය පුද්ගලයෙකුගේ කොන්දේ පිහිටන්නේ කොඳු ඇට 07 ක් වුව ද මෙම දරුවාගේ කොඳු ඇට 10 ක් පිහිටා තිබේ.ෆූ වෙන්ගුයි (ත‍ම උැබටමස) නමැති මෙම දරුවා මේ හේතුවෙන් මහත් පීඩාවක් විඳින බව වාර්තා වේ.හිසෙහි සියළු බර මෙම වැඩිපුර පිහිටා ඇති කොඳු ඇටවලට බලපාන බව වාර්තා වේ.

චීනයේ අනුවරවන බීජිං නගරය කේන්ද්‍ර කරගෙන පිහිටා ඇති අරමුදලකින් මෙම දරුවාට සැත්කමක් සිදු කිරීම සඳහා අධාර කර තිබේ.මෙම දරුවාට ඇවිදීමට පවා අපහසු බැවින් ශල්‍යකර්මයක් මගින් මෙය සුව කළ හැකි බව වෛද්‍යවරු පවසති.

කුඩා කාලයේ කිසිදු අපහසුතාවයක් නොතිබි බවත් මෑත කාලයේ දී මෙම තත්ත්වය උද්ත වී ඇති බවත් වාර්තා වේ.

Read More

Sri Lanka body to body Massage අලුත්ම තාලේ මසාජ් එක

Read More

කට දෙපැත්තෙන් ලේ පෙරෙන ගෑනු ළමයා

ලස්සන ගැහැනු ළමයකුට භූතයෙක් වැහිලා ඒ භූතයා ගැහැනු ළමයාගේ ඇඟට ඇතුල් වෙලා ලේ උරා බොද්දි කට දෙපැත්තෙන් ලේ පෙරෙනවා.පපුවේ හා හිසේ කැක්කුමක් තිඛෙන බව පවසමින් පොල්ගහවෙල දිසා රෝහලේ වාට්ටුවක ප‍්‍රතිකාර ලබන දැරිය ගැන රෝහල පුරා පැතිර ගිය මේ කතාව නිසා රෝහල් කාර්ය මණ්ඩලයේ බොහෝ දෙනකුද පසුවූයේ තරමක තිගැස්මකට හා බියකට පත්වය.

රෝහල් වාට්ටුවේ ප‍්‍රතිකාර ලබමින් සිටියදී පවා දැරියගේ කට දෙපැත්තෙන් ලේ වහනය වීම නිසා ඒ බිය දෙගුණ තෙගුණ කිරීමට හේතුවී ඇත.දැරියගේ කට දෙපැත්තෙන් ලේ වහනය වී තිඛෙන බව දුටු වාට්ටුවේ හෙදියෝ මේ බව පොල්ගහවෙල දිසා රෝහලේ ප‍්‍රධාන වෛද්‍ය නිලධාරී දොස්තර ජේ.එම්. ජයතිලක මහතාට පවසා තිබේ.

වෛද්‍ය ජයතිලක මහතා දැරිය පරික්ෂා කර බලා ඇතත් මෙසේ කට දෙපැත්තෙන් ලේ ගලාගෙන යාමට හේතු සාධකයක් සොයා ගැනීමට නොහැකිවූ නිසා තවදුරටත් ඇය වාට්ටුවේ නතරකර තැබීමට තීරණය කර ඇත්තේ මෙයට හේතුව සොයා ගැනීමටය.

දැරියගේ කටෙන් වරින් වර හිටි හැටියේ කට දෙපැත්තෙන් ලේ වහනය වූ අතර වාට්ටුවේ හෙදියන් හා කාර්ය මණ්ඩලය පමණක් නොව වාට්ටුවේ සිටි රෝගීන්ද මේ දර්ශනය දැක කිසියම් තැති ගැන්මකට ලක්වී ඇත්තේ මෙය අමනුෂ්‍ය දෝශයක් නිසා සිදුවන බව විශ්වාස කිරීම නිසාය.

බ්පැ-01මෙය අමනුෂ්‍ය දෝෂයක් හෝ භූත දෝෂයක් නිසා සිදුවන්නක් නොවන බව කල්පනා කළ වාට්ටුවේ හෙදියෝ කිහිපදෙනෙක් මේ හොරය කුමක්ද කියා අල්ලා ගැනීමට සෝදිසියෙන් සිට ඇතත් වරින් වර ඇයගේ කට දෙපැත්තෙන් ලේ වහනයවී ඇත්තේ එම හෙදියන්ද පුදුමයට හා විශ්මයට පත්කරවමිනි.
ප‍්‍රධාන වෛද්‍ය නිලධාරී ජයතිලක මහතා රෝහලේ රසායනාගාර තාක්ෂණ විද්‍යාඥ අයි.එම්. නිශ්ශංක අබේරත්න මහතා සමග සාකච්ඡුා කර මේ අබිරහස සොයාගැනීමට මෙවැනි අද්භූත සිද්ධීන් ගැන දීර්ඝ කාලයක සිට ගවේශණ හා පර්යේෂණවල නියැලී සිටින විද්වතෙකු වන මහනුවර මහ රෝහලේ වෛද්‍ය ජනක ජයසූරිය මහතාගෙන් ඉල්ලීමක් කර ඇත.

වෛද්‍ය ජනක ජයසූරිය මහතා මේ සම්බන්ධව පර්යේෂණය කිරීමට කැමැත්ත පළකර ඇත.පොල්ගහවෙල දිසා රෝහල බලා පසුගිය ඉරිදා අප ගියේ ඒ ඉල්ලීමට අනුවය.වෛද්‍ය ජයතිලක, හෙද සොහොයුරියන් වන පුෂ්පකාන්ති, එච්.ආර්. සාගරිකා සහ රසායනාගාර තාක්ෂණ විද්‍යාඥ නිශ්ශංක යන මහත්ම මහත්මීන් විසින් කැඳවාගෙන ගොස් වරින් වර කට දෙපැත්තෙන් ලේ වහනය වන දැරිය ළඟට කැඳවාගෙන යනු ලැබූහ.

භූත දෝෂයක් නිසා කට දෙපැත්තෙන් ලේ වහනය වන බව කියන දැරිය සමග කතාබහ කළ අතර ඇය එහිදී පැවසුවේ මෙවැනි කතාවකි.

බ්පැ 02˜මා 11 වැනි වසරේ ඉගෙනුම ලබනවා. ඉස්කෝලෙදී පවා මගේ කට දෙපැත්තෙන් ලේ වහනය වීමට පටන්ගත්තා. මුලින්ම නහයෙන් ලේ ආවා ඊට පස්සේ දිගටම කට දෙපැත්තෙන් ලේ ගලන්නට පටන්ගත්තා. එක පාරක් දෙපාරක් වගේ ඇස් දෙකෙන්ද ලේ ගැලුවා. මාස හතරක විතර කාලයක ඉඳලා තමා මේ විදිහට ලේ ගලන්න පටන්ගත්තේ.

ඉස්කෝලේ පන්ති කාමරයේ ඉද්දි පවා මගේ කට දෙපැත්තෙන් ලේ ගලාගෙන යන්න පටන්ගත්තා. ටීචර්ලා කිව්වා මේක හොඳ කරගෙන ඉස්කෝලෙ එන්න කියා. පහුගිය වාරෙම ඉස්කෝලෙ යන්න බැරිව ගියා. සමහර ටීචර්ලාත් කිව්වේ මෙය භූත දෝෂයක් නිසා සිදුවන දෙයක් කියා යැයි˜ ඇය පැවසුවාය.

වෛද්‍ය ජනක ජයසූරිය - කට දෙපැත්තෙන් මේ විදිහට ලේ ගලාගෙන යන්න කළින් මොනවාගේ දෙයක්ද දැනෙන්නේ?

දැරිය - ˜ඇගට ලොකු බරක් වගේ දැනෙනවා. සීතල ගතියකුත් දැනෙනවා. ඊට පස්සේ එක පාරටම කට දෙපැත්තෙන් ලේ ගලනවා. මගේ තාත්තගේ තාත්තා ඒ කියන්නේ මගේ අත්තා අවුරුදු හතරකට විතර කලින් මිය ගියා. අත්තාගේ භූත ආත්මය මගේ ඇඟට ඇතුල්වෙලා තියනවා කියා දේවාලයකින් කිව්වා. අත්තාගේ භූත ආත්මය ඇඟට ඇතුල්වෙලා ලේ උරා බොද්දි මගේ කට දෙපැත්තෙන් ලේ ගලාගෙන යනවා.˜

වෛද්‍යවරයා - මොකක්ද දුව ඔය අතේ බැඳගෙන ඉන්න රතුපාට නූල
දැරිය - ˜දේවාලයේ කපු මහත්තයා ජීවම් කරපු රතුපාට නූලක් තමා අතේ බැඳගෙන ඉන්නේ. මේ නූල අතේ බැඳගෙන ඉන්නකොට කට දෙපැත්තෙන් ලේ ගලන්නේ නැහැ.

තනියම ඉන්න වෙලාවල්වලට ටොයිලට් එකට ගියාමත් කට දෙපැත්තෙන් ලේ ගලාගෙන යනවා. ගොඩක් කට්ටියක් එක්ක ඉද්දි කට දෙපැත්තෙන් ලේ ගලාගෙන යන්නේ නැහැ˜ යැයි දැරිය පැවසුවේ වෛද්‍යවරයා ඇසූ ප‍්‍රශ්නයකට පිළිතුරු දෙමිනි.

මෙය වෛද්‍ය ජනක ජයසූරිය මහතාගේ විශේෂ අවධානයට ලක්වූ කරුණක් විය.

හෙද සොහොයුරියක් වන එච්.ආර්. සාගරිකා මහත්මිය මෙසේ පැවසුවාය.
˜මේ ගැහැනු ළමයා වාට්ටුවේ ඉද්දි කිහිපවරක්ම එයාගේ කටින් ලේ ගැලුවා. අපි හොඳ සෝදිසියකින් ඈතට වෙලා බලාගෙන හිිටියා. එහෙම ඉද්දිත් ළමයාගේ කටින් ලේ ගලා ගියා. මෙය අපට අදහාගත නොහැකි සිද්ධියක් වුණා.

මියගිය අත්තාගේ භූත ආත්මය ඇඟට ඇතුල්වෙලා ලේ උරා බොන බව දැනෙන බව ඇය මා සමග කීවා. අත්තාගේ භූත ආත්මය ලේ උරා බීලා ඇෙඟන් පිටවෙලා යන්න සූදානම් වෙද්දි කට දෙපැත්තෙන් ලේ ගලාගෙන යන බව ඇයගෙන් ඇහැව්වාම කිව්වා අත්තා තමා සමග තරහවී සිටිය බවත් ඇය පදිංචිවෙලා හිටපු ගෙදර වත්තට ආශාවකින් මියගිය බවත් ඇය මා සමග පැවසුවා යැයි˜ද හෙද සොහොයුරි සාගරිකා මහත්මිය පැවසුවාය.

භූත ආත්මයක් ශරීරයට ඇතුළුවී ලේ උරා බීම නිසා කටෙන් ලේ ගලන බව කියන දැරියගේ පියාද රෝහලට පැමිණ සිටි අතර ඔහුගෙන්ද වෛද්‍ය ජනක ජයසූරිය මහතා කරුණු විමසූ අවස්ථාවේ ඔහු මෙසේ කීය.

˜මාස තුන හතරක විතර කාලයක ඉඳලා තමා දුවගේ කටෙන් ලේ ගලන්න පටන්ගත්තේ. ඉස්කෝලේ ඉගෙන ගනිද්දිත් කටෙන් ලේ ගලාගෙන ගිහින් තියනවා. මුලින්ම නාසයෙන් ලේ ගලාගෙන ගිහින්. එක් වරක් දෙකක් විතර ඇස් දෙකෙන්ද ලේ ගලාගෙන ගොස් තිඛෙනවා. ඊට පස්සේ දිගටම කට දෙපැත්තෙන් ලේ ගලාගෙන යන්නට පටන්ගත්තා.
කුරුණෑගල ඉස්පිරිතාලයට අරන් ගිහින් නැවැත්තුවා. ස්කෑන් කළා එක්ස්රේ පරීක්ෂණ කළා. කිසිම රෝගයක් නොමැති බව දුව පරික්ෂා කළ වෛද්‍යවරුන් කිව්වා. වෛද්‍යවරුන් එහෙම කිව්වේ ස්කෑන් හා එක්ස්රේ වාර්තාද පරික්ෂා කර බලමිනි. දොස්තර මහත්වරුන් එහෙම කිව්වත් ගෙදර ඉද්දි හිටි හැටියේ දුවගේ කටෙන් ලේ ගලාගෙන ගියා. ගෙදරට ගොඩවෙන්න හදද්දි එකපාරටම ඇඟ වෙවුලලා වගේ කටෙන් ලේ ගලන්න පටන්ගත්තා. ඒ තමා මුලින්ම ලේ ගලන්න පටන්ගත්තු දවස.

මෙය භූත දෝෂයක් නිසා සිදුවන දෙයක් බව කල්පනා කරලා දේවාලයකට එක්ක ගිහින් සාත්තුවක් කළා. ජීවම් කරපු රතු පාට නූල දුවගේ අතක බඳින්න කියා කපු මහත්තයා දුන්නා. ඒ නූල අතේ බැඳගෙන ඉද්දි කටෙන් ලේ ගලන්නේ නැහැ.

දවසක් දුව උන්නු ගමන් ගෙදරින් යන්න ගිහින්. අපි කලබල වෙලා දුව හොයාගෙන යද්දි ගමේ මිනි පිට්ටනිය ළඟ ඉන්නවා. එයාගේ කට දෙපැත්තෙන් ලේ ගලා තිඛෙන අන්දම දැක්කා. දුව ක්ලාන්තය හැදිලා වැටෙන්න යද්දි අප අල්ලා ගත්තා. කටින් ලේ ගලමින් සිටි දුව පාරේ ගමන් කරන අන්දම ගමේ කිහිපදෙනෙක් දැක ඒ බව පැවසුවා යැයි˜ද දැරියගේ පියා පැවසීය.

පවුලේ තොරතුරු හෙළිකරමින් ඔහු වෛද්‍යවරයා සමග මෙසේද කීවාය.
˜අගහිඟකම් නිසා බිරිඳ මැදපෙරදිග රස්සාවකට ගියා. බිරිඳ රට ගිහින් අවුරුදු හතක් විතර වුනා තවම ලංකාවට ආවේ නැහැ. ඉඳලා හිටලා මගෙත් එක්ක දුවත් එක්ක කතා කරනවා. සල්ලි එවන එකත් අඩුයි. මගේ වැඩ තහනම් කරලා අවුරුදු 1 1/2 ක් විතර වෙනවා. එක පුතෙක් හදිසි අනතුරකට ලක්වෙලා එක්තැන් වෙලා. මේ දුවට හොඳට ඉගෙන ගන්න පුළුවනි. බොහොම අමාරුවෙන් ජීවිතය ගැටගසා ගන්නේ. බොහොම අමාරුවෙන් ජීවිතය ගැට ගසාගනිද්දි තමා දුවට මේ කරදරය වෙන්න පටන්ගත්තේ. බිරියගේ අම්මා තමා දුව රැුකබලාගන්නේ. නැන්දම්මාත් දැන් රෝගාතුර වෙලා. ප‍්‍රශ්න ගොඩක ඉන්නේ.
රස්සාව හදාගන්න වයඹ දැයට කිරුළ පැවති කාලයේ ජනාධිපතිතුමාට ලියුමකින් පැමි‚ලි කළා. මේ ගැන පරීක්ෂණයක් කරපු මහත්වරු ලොකු තැන්වලට දැනුම්දීලා රස්සාව හදාගන්න හදන්නේ මෙයා අපිට කිව්ව නම් හදලා දෙනවානේ කියා බැන්නා. තවම රස්සාව ලැබුණේ නැහැ යැයි දැරියගේ පියා පැවසුවේ හැ~ූ කඳුළින් යුතුවය.
දවසක් එක පාරටම අතේ බැඳගෙන හිටපු රතු නූල ගැලවී ගියා. ඊට සුළු මොහොතකට පසු දුවගේ කටෙන් ලේ ටිකක් ගලාගෙන ආවා යැයි˜ද ඔහු කීවේ අලුතින් වූ  සිද්ධියක් ගැන තොරතුරු හෙළිකරමින්ය.

හිටිහැටියේ කටෙන් ලේ ගලාගෙන යන දැරිය ප‍්‍රතිකාර ලබන දැරිය සිටින ඇඳ සමීපයේ රෝගයකට ප‍්‍රතිකාර ලබාගැනීමට රෝහල්ගතව සිටින ආර්.ඒ. ප‍්‍රියන්ති මහත්මිය මේ සම්බන්ධව අප සමග මෙසේ පැවසුවාය.

˜මේ ළමයා පැත්තකට හැරිලා නිදාගෙන ඉද්දි එක පාරටම එයාගේ කටින් ලේ ගලාගෙන ගියා දැක්කා. රෙද්දක් පොරවාගෙන ඉඳලා ළමයා ඒ පොරෝනය ඉවත් කරද්දි කටෙන් ලේ ගලාගෙන ගොස් තිඛෙනවා දැක්කා. මේ අවස්ථා දෙකේදීම නර්ස් නෝනලාට කතා කර දැනුම් දුන්නා.
මේ විදිහට ලේ ගලන්නේ ඇයිද කියා මට හිතාගන්න බැහැ යැයි˜ද ප‍්‍රියන්ති මහත්මිය කීවාය.
රෝහල් වාට්ටුවේ ප‍්‍රතිකාර ලබමින් සිටි තවත් රෝගීන් කිහිපදෙනෙක් කීවේ මෙය භූත දෝෂයක් නිසා සිදුවන දෙයක් බවය.

අතේ බැඳගෙන සිටි රතු පැහැති නූල ගලවා දමන ලෙස වෛද්‍ය ජයසූරිය මහතා කළ ඉල්ලීමකට අවනත වෙමින් ඇය නූල ගලවා දමා ඇඳේ දිගා වූවාය.දැරියගේ ඇඳ සමීපයේ සිටි ප‍්‍රියන්ති මහත්මියට ඇය ගැන හොඳ සෝදිසියකින් සිටින ලෙස කල්තියා දැනුම්දී තිබූ අතර මෙන්න ළමයාගේ කටෙන් ලේ ආවා යැයි ඇය පැවසුවාය.

වෛද්‍යවරයා දැරියගේ මුඛය හා දිව ද ඉතා හොඳින් පරික්ෂා කර බලා නැවතත් ඇයට ඇඳට වී සිටින ලෙස පවසා හෙද සොහොයුරි පුෂ්පකාන්ති ඇතුළු හෙදියන් සමග කතාබස් කරමින් මේ ගැන කරුණු පැහැදිලි කරදෙමින් සිටිය අතරවාරයේ දැරියට වැසිකිළියට යාමට අවශ්‍ය බව පවසා ඇත.

දැරිය වාට්ටුවේ තිඛෙන වැසිකිළියට මුත‍්‍රා කිරීමට ගිය අතර ඇය පිටතට පැමිණෙන තෙක් දොර අසල හෙද සොහොයුරි සාගරිකා මහත්මිය රැුඳී උන්නාය.දැරිය වැසිකිළියෙන් පිටතට පැමි‚යේ කටෙන් ගලා තිබූ ලේ සමගය.

මේ බව හෙද සොහොයුරි සාගරිකා මහත්මිය වෛද්‍ය ජනක ජයසූරිය මහතාට පැවසීමෙන් පසු ඔහු කරන ලද දැනුම්දීමක් මත රසායනාගාර තාක්ෂණ විද්‍යාඥ නිශ්ශංක අබේරත්න මහතා වහා ක‍්‍රියාත්මක වී ඒ ලේ කොටස් රසායනාගාර පරික්ෂණයකට ලක්කිරීම සඳහා ලබාගත්තේය.දැරියගේ කට ප‍්‍රදේශයේ කැටිවී තිබියදී ලබාගත් ලේ රසායනාගාර පරීක්ෂාවකට ඒ මොහොතේම ලක්කර ඒවා බී නෙගටිව් කාණ්ඩයට අයත් බව පැවසීය.

දැරියගේ සිරුරෙන් ද ලේ සාම්පලයක් ලබාගෙන එයද පරික්ෂා කර බලා අබේරත්න මහතා පැවසුවේ එයද බී නෙගටිව් කාණ්ඩයට අයත් බවය.

ලේ සාම්පල් මෙවැනි පරික්ෂාවකට ලක්කරනු ලැබුවේ කටින් පිටව තිබුණේ මිනිස් ලේ ද එසේත් නොමැති නම් වෙනත් වර්ණකයක්ද යන්න ගැන විද්‍යාත්මකව සොයා ගැනීමටය.

දැරියගේ කටෙන් පිටවී ඇත්තේ ඇයගේම ලේ බව සැකහැරගත් පසු කටෙන් මෙසේ ලේ පිටවන්නේ කෙසේද යන්න හෙළිකර ගැනීම වෛද්‍ය ජනක ජයසූරිය මහතා ඉදිරියේ පැවති ඊළඟ අභියෝගය විය.
පැය තුනක පමණ ගවේෂණයකින් පසු දැරියගේ කටෙන් ලේ ගලාගෙන යන රහස හෙළිකර ගැනීමට වෛද්‍යවරයා සමත්විය.

වෛද්‍යවරයා කළ ඒ ගවේෂණය ද මේ සමගම පළකර ඇත.
මෙම සිදුවීම භූත දෝෂයක් අමනුෂ්‍ය දෝෂයක් නිසා සිදුවන්නක් නොවන බව හෙළිකරගත් වෛද්‍යවරයා ඒ කරුණු කාරණා ගැන වෛද්‍ය ජයතිලක මහතාට දැනුම් දුන්නේය.දැරියගේ කටෙන් ලේ ගැලීමේ අබිරහස හෙළිකරදීම ගැන වෛද්‍ය ජයතිලක මහතා වෛද්‍ය ජයසූරිය මහතාට කෘතඥතාව පළකර සිටියේ අතට අත දීමෙනි.

පොල්ගහවෙල දිසා රෝහලේ ප‍්‍රධාන වෛද්‍ය නිලධාරී ජේ.එම්. ජයතිලක මහතා මේ සම්බන්ධව අදහස් දක්වමින් මෙසේ කීය.

˜කටෙන් ලේ ගලායාම දැනගත් පසු මා දැරියව පරික්ෂා කළා. ලේ ගලාගෙන යන ආකාරය ගැන හෙළිකර ගැනීමට ඇයගෙන් ප‍්‍රශ්න කළත් ඒ ගැන වචනයක්වත් ඇය හෙළිකළේ නැහැ. මියගිය අත්තාගේ ආත්මය සිරුරට ඇතුළුවූ පසු මෙවැන්නක් සිදුවන බව පමණයි ඇය දිගින් දිගටම කීවේ. එතැනින් එහාට කිසිම දෙයක් කිව්වේ නැහැ. දැරියට කිසියම් මානසික ආතතියක් තිඛෙන බවක් ඇය හා කළ කතා බහේදී පෙනී ගියා.

කෙසේ වෙතත් මේ ලේ ගලන රහස හෙළිකර ගැනීමේ අවශ්‍යතාව මට තදින්ම දැනුනා. මෙවැනි අද්භූත සිදුවීම් ගැන පර්යේෂණ ගවේෂණයන්හි නිරතව සිටින වෛද්‍ය ජනක ජයසූරිය මහතාට මේ ගැන දැනුම්දීමට තීරණය කර දුරකථන අංකය සොයාගෙන ඔහුට මම කතා කළා. වෛද්‍ය ජයසූරිය මහතා ඔහුගේ වටිනා කාලය කැපකර මේ ගැන පර්යේෂණයක් කිරීමට පැමිŒම ගැන ඔහුට මා ඇතුළු රෝහලේ සමස්ත කාර්ය මණ්ඩලයේම ස්තුතිය පුද කරනවා. ඒ වගේම මේ වගේ අද්භූත දේවල් ගැන කෙරෙන පර්යේෂණ ගැන ජනතාවට ඇත්ත පහදා දෙමින් දැනුවත් කිරීමේ මහඟ=‍ කාර්යක නිරතව සිටින ඉරිදා ලංකාදීපයටත් අපේ විශේෂ ස්තුතිය පුදකරනවා යැයි වෛද්‍ය ජයතිලක මහතා කීය.

මේ දරුවාගේ හිසේ හා පපුවේ කැක්කුමක් තිඛෙන බව පවසා රෝහල්ගත කළේ. නළලේ සෙම තිඛෙන බව පෙනීගියා. කටින් ලේ ගැලීමක් තිඛෙන බව පැවැසූ නිසා රෝගයකට  ප‍්‍රතිකාර ලබාදීමට තීරණය කළා යැයි˜ද වෛද්‍ය ජයතිලක මහතා පැවසීය.

වෛද්‍ය ජනක ජයසූරිය මහතා දැරිය සම්බන්ධව පර්යේෂණයක් කර අවශ්‍ය උපදෙස් ඇයට ලබාදී ගිය පසු කටින් ලේ වහනයක් සිදු නොවූ නිසා පසුදින (18ෆ රෝහලෙන් ටිකට් කැපූ බව රසායනාගාර තාක්ෂණ විද්‍යාඥ නිශ්ශංක අබේරත්න මහතා පැවසුවේ වෛද්‍යවරයා කළ මේ කටයුත්ත ගැන හා ඉරිදා ලංකාදීපයට ද විශේෂ ස්තුතියක් පුදකරමිනි.

මනෝ වෛද්‍ය උපදේශකවරයෙක් වන රෝහණ තෙන්නකෝන් මහතාද වෛද්‍ය ජයසූරිය මහතාගේ ගවේෂණය දැක බලාගැනීමට පැමිණ සිටියේය.

භූත යක්ෂ බලවේග වලින් සිදුවනවා යැයි කියන සිදුවීම් සිය ගණනක් ගැන මා පර්යේෂණ කරලා ඒවා එසේ නොවන බව සාධක ඇතුව හෙළිකර ගෙන තිඛෙනවා. ඒත් මෙවැනි ආකාරයක සිද්ධියක් ගැන පර්යේෂණයක් කළේ මුල්වතාවට යැයි වෛද්‍ය ජයසූරිය මහතා කීය.
මෙම පර්යේෂණය සාර්ථක කරගැනීමට රෝහලේ හෙද හෙදියන් ඇතුළු කාර්ය මණ්ඩලයෙන් ලොකු සහායක් ලැබුණා. එයට ඔවුන් සැමටම ස්තුතිය පුදකළ යුතුයි. මේ ගැන මාහට දැනුම්දී පර්යේෂණයක් කිරීමට ආරාධනය කිරීම ගැන වෛද්‍ය ජයතිලක මහතාටත් විශේෂ ස්තුතියක් පුදකළ යුතුව ඇතැයි වෛද්‍ය ජයසූරිය මහතා පවසයි.

දැරියගේ අධ්‍යාපන කටයුතු සාර්ථකව කරගෙන යාමට ඔබටත් අත්වැලක් විය හැකිය. යම් උපකාරයක් කළ හැකිය.
උපුටා ගැනීම  - ලංකාදීප

Read More

දමිළයන් සිංහලයන්ට කිසිදා යටත් නොවේ.. බිය වී දුවන්නේද නැත.. එකම විසඳුම ඊළමයි – ලී ක්වාන් යූ

දෙමළ ජනතාව සඳහා වන එකම විසඳුම ඊළමක් බවත් දෙමළ ජනයා කිසි දවසක සිංහලයන්ට යටත් කරගත නොහැකි බවත් සිංගපුරුවේ හිටපු අගමැති ලී ක්වාන් යූ (Lee Kuan Yew) පවසයි.
දමිලවන් යටත් වන්නේවත් සිංහලයන්ට බිය වී පලාගොස් සැඟවෙන්නෙත් නැතැයි ඔහු සඳහන් කරන්නේ  මහාචාර්ය Thomas Gordon Plate විසින්  Conversations With Lee Kuan Yew යන රචින නවතම කෘතියකට අදහස් දක්වමිනි.
ඔහු ඊට මෙසේද කියයි.

‘ශ්‍රී ලංකාවේ සිංහලයින් ජීවත් වූ කාලයේ සිටම දෙමළ ජනතාවත් ජිවත්විය. නමුත් දෙමළ ජනතාවට සහ සිංහල ජනතාවට සමගියන් ජීවත්විය හැකි තත්වයක් ශ්‍රී ලංකාවේ නොමැත. ශ්‍රී ලංකාව ඒකීය රටක් ලෙස තිබෙන තුරු එයට ප්‍රීතිමත් රටක් විය නොහැකිය.

ශ්‍රී ලංකාවේ දෙමළ ජනතාව වෙනුවෙන් සටන් කල දෙමළ ඊළාම් විමුක්ති කොටි සංවිධානය පරාජය කර ඇත. මේ තුලින් ශ්‍රී ලංකාවේ ජනවාර්ගික ගැටළුවට විසඳුමක් දැක ඇති බව ජනාධිපති මහින්ද රාජපක්ෂ ප්‍රකාශ කරයි. එය සියළු දෙනා පිළිගත යුතු බවත්, විශ්වාස කල යුතු බවත් ඔහු බලාපොරොත්තුවෙයි.
ඊළාම් දෙමල ජනතාව යටත් වෙන්නේ නැත. සිංහලයින්ට බියවී දුවන්නෙත් නැත. දෙමළ ඊළාම් විමුක්ති කොටි සංවිධානය විනාශ කලද, සුළු ජාතික ජනතාවක් වන දෙමළ ජනතාවගේ සිත් දිනාගැනිමේ හැකියාව සහ නිර්භීතකම නියත වශයෙන්ම සිංහලයින්ට නැත. මේ සියල්ලකට වඩා යාපනයේ දෙමළ ජනතාවගේ සිත් දිනාගැනීම සිංහලයින්ට අනිවාර්යයෙන්ම කිසි කාලයක කළ නොහැකිය. ඒ හේතුවෙන්, සිංහලයින් සියළු මාර්ග තුලින් ප්‍රචණ්ඩත්වය මුදාහැර දෙමළ ජනතාව යටත් කර ගැනීමට උත්සාහ කරමින් සිටියි.

සිංහලයන් මීට පෙරත් මේ ආකාරයෙන් කටයුතු කර ඇත. ඒ හේතුවෙන් විශාල සන්නද්ධ සටනක් ආරම්භ විය. වර්තමානයේදීත් එය සිදුකිරීමට උත්සාහ කරනු ඇත. සියළු දෙමළ ජනතාව විනාශ කළ හැකිය යන සිංහලයන්ගේ අදහස අනිවාර්යයෙන් සපල නොවනු ඇත.
සිදුවුවේ සහ සිදුවන්නේ ජාති ඝාතනයකි!

ශ්‍රී ලංකාවේ අද සිදුවෙමින් තිබෙන්නේ කුරිරු ජාති ඝාතනයකි. ඒ හේතුවෙන් දෙමළ ජනතාව නැවත සන්නදධ සටනක් ආරම්භකරයිද? යන්න පිළිබඳව මා හට ප්‍රකාශ කල නොහැකිය. නමුත්,අනිවාර්යයෙන්ම දෙමළ ජනතාව දීර්ඝ කාලයක් ඉවසීමකින් නොසිටිනු ඇත. සිංහලයන්ට වඩා දෙමළ ජනතාවට වැඩි ගෞරවයක් ලබාදිය යුතුය’
- සන්කදි 24/lankatnews

Read More

රුසියාවට පෙම් බැඳි එක්ස් ෆයිල්ස් නළුවා ආන්දෝලනයකට මැදිවෙයි

විනාඩි දෙකකුත් තත්පර තිහක කාලයක් පුරා දිව යන මෙම වෙළෙඳ දැන්වීම ආරම්භ වන්නේ ඩක්හොව්නි තමා ඇමරිකාවේ නොව රුසියාවේ උපත ලැබුවේ නම් තම ජීවිතය කෙබඳු වනු ඇත්දැයි පවසමිනි. තමා ඇමරිකාවේ ඉපිද එහි හැදී වැඩුනද තමාගේ සමීපතම මුතුන්මිත්තන් රුසියානු, යුක්රේන හා ‍පෝලන්ත සම්භවයකින් යුතු වූවන් වීම නිසා තමන් එම සංස්කෘතියන්ටද ගරු කරන බව කියා සිටින ඩක්හොව්නි දැන්වීම පුරා රුසියානු සංස්කෘතික අනන්‍යතාව කියා පාන්නා වූ විවිධ ක්‍රියාකාරකම්වල නිරතවෙනු දැක ගත හැකියි. 

 ගගනගාමියෙකු ලෙසත්, බැ‍ලේ නර්තන  පුහුණුකරුවෙකු ලෙසත්, අයිස් හොකී ක්‍රීඩකයෙකු ලෙසත් ඩක්හොව්නි විවිධ චරිත රඟ දක්වන මෙම වෙළෙඳ දැන්වීම නිකුත්වූ සැනින් අන්තර්ජාල රසිකයින් අතර අතිශය ජනප්‍රියත්වයක් හිමි කර ගෙන තිබූ අතර පළමු තෙදින තුළදී පමණක් එය නැරඹූවන්ගේ සංඛ්‍යාව මිලියන 1.6 ඉක්මවා  තිබිණි.


එවන් ජනප්‍රියත්වයක් හිමි කර ගත්තද එය දැවැන්ත ආන්දෝලනයකටද තුඩු දී තිබුණේ මේ දිනවලදි මිසයිල ප්‍රහාරයක ලක්ව විනාශයට ලක්වූ මැ‍ලේසියානු ගුවන් යානය සම්බන්ධ සිද්ධිය අරබයා ඇමරිකාව හා රුසියාව අතර හටගෙන ඇති අර්බුදය නිසායි.  යානය බිම හෙළීමට වගකිව යුතු  බවට සැලකෙන යුක්රේන කැරළිකරුවන්ට සහය පළ කරන රුසියාවට ඩක්හොව්නි දක්වන පක්ෂපාතීත්වය මින් මැනවින් තහවුරු වන බවට එල්ලව ඇති චෝදනා ප්‍රතික්‍ෂේප කරමින් ඔහු තරයේම කියා සිටින්නේ යමෙකු තමාගේ පෙළපත පිළිබඳව දක්වන ගෞරවය මගින් කිසිදු ආකාරයක දේශපාලනික පක්ෂපාතීත්වයක් නියෝජනය නොකරන බවයි.

Read More

නුවර වැව නසන හොර වැඩේ මාට්ටු

 රජයේ සහ පෞද්ගලික ආයතන කිහිපයක් නුවරවැව ජලාශයට ඉතා රහසිගත අන්දමින් අපද්‍රව්‍ය මුදා හරින කාණු පද්ධති කීපයක් අනුරාධපුර මහා නගර සභාවේ මහජන සෞඛ්‍ය පරීක්ෂකවරුන් විසින්ඊයේ(27දා) සවස සොයා ගනු ලැබීය. 

ජලාශයෙන් ජලය පරිභෝජනයට ගන්නා ප‍්‍රදේශවාසීන් කිහිප දෙදෙනෙකු අපද්‍රව්‍ය සහිත කුණු කාණු දැක අනුරාධපුර මහ නගරසභාවේ සෞඛ්‍ය අංශයට දැනුම්දි තිබේ. 

අනුරාධපුර මහා නගර සභාවේ නාගරික කොමසාරිස් සම්පත් රෝහණ ධර්මදාස මහතාගේඋපදෙස්මත අනුරාධපුර මහා නගර සභාවේ මහජන සෞඛ්‍ය පරීක්ෂක නුවන් කුලතුංග මහතා අදාළ ස්ථානයට ගොස් ස්ථානීය පරික්ෂණයක් සිදු කළේය. අනුරාධපුර නගරයේ පිහිටි නුවරවැව ජලාශයෙන් දිනකට නගරවාසීන් 120 000කට ආසන්න ප්‍රමාණයක් ජලය පරිභෝජනයට ගනිති.

Read More

කොටියෙක් මැරූ කතක්

පැයක පමණ කාලයක් තිස්සේ කොටියකු සමඟ පොරබදා ලේ ගලන තුවාල ලබමින්ම කොටියා මරා දැමූ 54 හැවිරිදි කාන්තාවක් පිළිබඳ ඉන්දියාවේ උත්තර්කන්ද් ප‍්‍රදේශයෙන් වාර්තා වේ.
ඇය සිය වගාබිමට ගොස් එමින් සිටියදී කොටියා මෙලෙස ඇය වෙත කඩාවැදී තිබේ.

ඇය අත ඇති දෑකැත්ත හා ඉස්කෝප්පුව අත් නොහැරිය ඇය එමගින්ම හැකිතාක් වෙර යොදා කොටියාට පහරදී මරා දමා ඇතැයි එරට වාර්තා සඳහන් කරයි.

කෙසේවෙත්ත බරපතළ තුවාල ලැබූ ඇය රෝහල වෙත රැුගෙන යන විටත් අධික ලේ වහනයවීම හේතුවෙන් ජීවිතයත් මරණයත් අතර සටනක යෙදෙමින් වහා සැත්කමකට මුහුණ දී දිවි බේරාගෙන ඇත.

කොටියාගේ නියපහරින් ඇයගේ සිරුරේ ගැඹුරු කැපුම් තුවාල සිදුවී ඇති අතර එ් සඳහා මැහුම් 100කට අධික ප‍්‍රමාණයක් දැමූ බව වෛද්‍යවරු පවසා ඇත.

ඇගේ සිරුරේ අස්ථි ස්ථාන 3කින් බිඳී ඇති බව ද මේ වනවිට ඇය සුව අතට හැරෙමින් පවතින බව ද රෝහල් වෛද්‍යවරුන් පවසා තිබේ.

Read More

ෂාරුක් ඛාන්ට ඉන්ටර්පෝල් තනතුරක්

ලොව සුපතල බොලිවුඩයේ සුපිරි තරුවක් වන ෂාරුක් ඛාන් වෙත ජාත්‍යන්තර පොලීසිය හෙවත් ඉන්ටර්පෝල්හි තානාපති තනතුරක් හිමිවී තිබේ.
අපරාධ වැළැක්වීම සඳහා වන මහජන ව්‍යාපාරය සඳහා තානාපති තනතුරක් මෙලෙස හිමිව ඇතැයි ඉන්දීය වාර්තා පවසයි.

ෂාරුක් ඛාන් මෙන්ම හොලිවුඞ් සුපිරි තාරකාවක් හා සටන් නළුවකු වන ජැකී චෑන්, පාපන්දු ක‍්‍රීඩක ලයනල් මෙසී සහ ෆෝමියුලා වන් සාමාජිකයකු වන ෆර්නැන්ඩෝ ඇලොන්සෝ සහ කිමී රායික්කොනෙන් ද මෙම අපරාධ වැළැක්වීම සඳහා වන මහජනතාව දැනුවත් කිරීමේ ව්‍යාපාරයේ ඉන්ටර්පෝල්හි තානාපතිවරුන් ලෙස පත්කර තිබේ.

ඉන්ටර්පෝල් වෙත මෙලෙස තානාපති තනතුරක් දරන පළමු ඉන්දියානු රංගන ශිල්පියා මොහුයි.

Read More

ඇමරිකානු ප‍්‍රාණ ඇපකාරියක් වෙනුවෙන් ඉස්ලාමික රාජ්‍යය ඩොලර් මිලියන 6.6ක් ඉල්ලයි

තම අත්අඩංගුවේ පසුවන ඇමරිකානු ප‍්‍රාණ ඇපකාරියක් නිදහස් කිරීම සඳහා ඉස්ලාමික රාජ්‍යය විසින් ඩොලර් මිලියන 6.6ක් ඉල්ලා ඇතැයි වාර්තා වේ.
මෙම කාන්තාව සටන්කාමීන්ගේ අත්අඩංගුවේ පසුවෙතැයි සැලෙකෙන ඇමරිකානු සිරකරුවන් සිව්දෙනා අතරින් එක් අයකු බව පැවසේ.
සිව්වන ප‍්‍රාණ ඇපකරුවූ මාධ්‍යවේදී ජේම්ස් ෆෝලි පසුගියදා ඝාතනය කරනු ලැබූ අතර ස්ටීවන් සොට්ලොෆ්ද ජීවතුන් අතර සිටි බව දක්නට ලැබුණද ඔහුද මරා දමන බවට ඉස්ලාමික රාජ්‍ය සටන්කාමීන් විසින් තර්ජනය කර ඇත.
26 වියැති ඇමරිකානු තරුණිය සිරියාව තුළ සහන සේවා කටයුතු වල යෙදී සිටියදී පැහැරගනු ලැබිණි.  ඇගේ පවුලේ සාමාජිකයින් පවසා ඇත්තේ ඇයගේ අනන්‍යතාවය හෙළිදරව් නොකරන ලෙසයි.

මේ අතර ඩොලර් මිලියන 6.6ක මුදල සමග ඇමරිකානු සිරභාරයේ පසුවන මුස්ලිම් කාන්තාවක්ද නිදහස් කළ යුතු බවට ඉස්ලාමික රාජ්‍යය විසින් නිවේදනය කර ඇතැයි වාර්තා වේ.
ආෆියා සිද්දිකි නම් මෙම කාන්තාව ඇමරිකානු නිලධාරීන් ඝාතනයට තැත් කළ බවට චෝදනා මත ඇෆ්ගනිස්ථානයේදී අත්අඩංගුවට ගන්නා ලදී.

ඇමරිකාවේ මැසචුසෙට්ස් තාක්ෂණික ආයතනයෙන් පුහුණුව ලද ස්නායු විiාඥවරියක වන ආෆියා නිදහස් කළ යුතු බවට මැදපෙරදිග ඇමරිකානු ක‍්‍රියාකාරකම් විවේචනය කරන විවිධ කණ්ඩායම් විසින් මින් පෙරද ඉල්ලා සිට තිබේ.

කෙසේවෙතත් ඉස්ලාමික රාජ්‍යයේ කොන්දේසිය පිළිබඳව සිද්දිකි පවුලේ සාමාජිකයින් පවසා ඇත්තේ ආෆියා වෙනුවෙන් හෝ එවැනිම තරුණියක් හිංසනයට ලක්වීම අනුමත කළ නොහැකි බවයි.

Read More

මුහුණ පසාරු වූ චීන ජාතිකයා බේරා ගනී

  අඟලක පමණ විශ්කම්භයකින් යුතු අඩි  4ක් පමණ දිගකින් යුතු යකඩ දණඩක් මුහුණ පසා කරගෙන ඇතුළු වුවද පුදුමාකාර ලෙස දිවි ගලවාගැනීමට චීනයේ ගුවැන්ග්සි ප්‍රාන්තයේ පුද්ගලයෙක් සමත්වූවේය.
යකඩ දණ්ඩ ඔහුගේ මුහුණේ දකුණු පස නළල ප්‍රදේශයෙන් ඇතුල්වී වම් පස කම්මුලෙන් පිටතට විත් තිබුණි.
එසේ වුවද ඔහු සිටියේ හොද සිහියෙන්.
වෛද්‍යවරු සැත්කමක් ආධාරයෙන් යකඩ දණ්ඩ ඉවත් කළහ.
ඔවුන් පසුව පැවසූයේ තව මදක් එහා මෙහා වී නම් මොහු මරණයට පත්වන්නට ඉඩ තිබූ බවයි.
ඔහු නිවස පිරිසිදු කරමින් සිටියදී ඉහළින් වැටුණු යකඩ දණ්ඩ මෙසේ ඔහුගේ මුහුණ පසා කරගෙන ගොස් ඇතැයි සඳහන්ය.
දැන් ඔහු සුවය ලබමින් සිටී.

Read More